Maktablarda pedagoglarni moddiy rag‘batlantirish tartibiga o‘zgartirish kiritildi

© Sputnik / Ramiz BaxtiyarovNatsionalnaya valyuta Uzbekistana — sum
Natsionalnaya valyuta Uzbekistana — sum - Sputnik O‘zbekiston
Obuna bo‘lish
Kiritilgan qo‘shimchalarga ko‘ra, maktablarning pedagog xodimlari xalqaro tadqiqotlarga o‘quvchilarni tayyorlab borish ishlariga munosib hissa qo‘shgan taqdirda bazaviy tarif stavkasiga nisbatan har oylik 100 foiz ustama qo‘shiladi
TOShKENT, 4 yanv — Sputnik. Hukumatning 31-dekabr 2020-yildagi qarori bilan Vazirlar Mahkamasining “Umumiy o‘rta ta’lim muassasalarining o‘rnak ko‘rsatgan xodimlarini moddiy rag‘batlantirish tartibini takomillashtirish to‘g‘risida” 2019-yil 30-sentabrdagi 823-son qaroriga o‘zgartirish va qo‘shimchalar kiritildi.
Shavkat Mirziyoyev na soveshanii 23-dekabrya 2020 goda - Sputnik O‘zbekiston
Mirziyoyev: boshqa viloyatga borib ishlagan o‘qituvchiga 100 foiz ustama haq to‘lanadi
Kiritilgan qo‘shimchalarga ko‘ra, maktablarning pedagog xodimlari xalqaro tadqiqotlarga o‘quvchilarni tayyorlab borish ishlariga munosib hissa qo‘shgan taqdirda bazaviy tarif stavkasiga nisbatan har oylik 100 foiz ustama qo‘shiladi. Ilgari ushbu ustama pedagog xodimlar faoliyati davomida yuqori natijalar ko‘rsatgan taqdirda to‘langan.
100 foizlik ustama olishga da’vogar pedagog xodimlarning mashg‘ulot olib boradigan fanlari bo‘yicha o‘quvchilarining bilimlari xalqaro baholash dasturlari integratsiya qilingan nazorat materiallari asosida baholanadi.
Direktor shk №30 v Buxare Irina Kotova (v sentre) s pedagogami - Sputnik O‘zbekiston
Pedagog xodimlar maoshiga ustama to‘lanadi
Bunda nazorat materiallari Ta’lim sifatini baholash bo‘yicha xalqaro tadqiqotlarni amalga oshirish milliy markazi bilan hamkorlikda Respublika ta’lim markazi tomonidan tayyorlanadi.
Ilgari nazorat materiallari Qoraqalpog‘iston Respublikasi Xalq ta’limi vazirligi, Toshkent shahar xalq ta’limi bosh boshqarmasi va viloyatlar xalq ta’limi boshqarmalari tomonidan tayyorlangan.
Shuningdek, endilikda o‘quvchilari xalqaro fan olimpiadalarida g‘oliblikni qo‘lga kiritganda maktablarning rahbar xodimlariga va soatbay ishlovchi o‘qituvchilarga ham oylik ustamalar belgilanadi.
Yangiliklar lentasi
0