Jamiyat

Oʻzbekiston shaxmat bilan shugʻullanuvchilar sonini oshiradi: qanday choralar belgilandi

Shavkat Mirziyoyev qarori bilan Shaxmatni 2025 yilgacha rivojlantirishning maqsadli koʻrsatkichlari tasdiqlandi.
TOSHKENT, 17 yanv — Sputnik. “Shaxmatni yanada rivojlantirish va ommaviylashtirish hamda shaxmatchilarni tayyorlash tizimini takomillashtirish chora-tadbirlari toʻgʻrisida”gi prezident qarori qabul qilindi. 
Qarorga koʻra, Shaxmatni 2025 yilgacha rivojlantirishning maqsadli koʻrsatkichlari (indikatorlari) tasdiqlandi. Bunda 2025 yilga qadar shaxmat bilan muntazam shugʻullanuvchilar sonini  3 foizga yetkazish nazarda tutilgan.
2021/2022 oʻquv yilidan boshlab:
  • 150 ta umumiy oʻrta taʼlim maktablarining oʻquvchilarini tajriba tariqasida shaxmatga oʻqitishni tashkil qilish amaliyoti kengaytirilib, yana qoʻshimcha 150 ta maktab (shu jumladan, Qoraqalpogʻiston Respublikasi va viloyatlarda (Toshkent viloyatidan tashqari) 10 tadan, Toshkent viloyati va Toshkent shahrida 15 tadan maktab) shaxmatga ixtisoslashtiriladi;
  • tegishli 1 000 ta umumiy oʻrta taʼlim maktabida 2, 3 va 4-sinf oʻquvchilarini “Jismoniy tarbiya” fani doirasida 18 soatlik reja asosida shaxmatga oʻqitish yoʻlga qoʻyiladi hamda ularga metodik yordam koʻrsatiladi;
  • qolgan barcha maktablarning 2, 3 va 4-sinf oʻquvchilari “Jismoniy tarbiya” fani doirasida shaxmatga oʻqitiladi.
2021 yildan boshlab har yili bir oy davomida maktablarda “Shaxmat oyligi” tashkil etiladi.
Molodejnaya sbornaya Uzbekistana po shaxmatam stala chempionom - Sputnik Oʻzbekiston
Sport
Oʻzbekiston oʻsmirlar jamoasi ilk bor Butunjahon shaxmat olimpiadasi chempioni boʻldi
2021 yildan boshlab har yili anʼanaviy tarzda Toshkent shahrida Prezident sovrini uchun xalqaro shaxmat turniri, Oʻzbekistonlik birinchi xalqaro grossmeyster G.T. Agzamov xotirasiga bagʻishlangan xalqaro turnir, shuningdek, shaxmat boʻyicha XVII Jahon chempioni R.M. Qosimjonov xalqaro turniri, Samarqand shahrida “Sohibqiron kubogi” xalqaro shaxmat turniri, Xiva shahrida “Al-Beruniy” xalqaro shaxmat turniri, Buxoro, Termiz va Xiva shaharlarida “Turizm va shaxmat haftaligi” tashkil etiladi.
Shuningdek, shaxmat maktablari va klublari faoliyatiga koʻmak berish maqsadida Oʻzbekiston shaxmat klublari assotsiatsiyasi tashkil etildi.
2021/2022 oʻquv yilidan boshlab Oʻzbekiston davlat jismoniy tarbiya va sport universitetining Fargʻona filialida shaxmat boʻyicha taʼlim yoʻnalishi ochiladi.
Oʻzbekiston shaxmat federatsiyasi huzurida yuridik shaxs tashkil etmagan holda Shaxmatni ommaviylashtirish va rivojlantirish jamgʻarmasi tashkil etildi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala