Jizzaxda qulagan binoning qolgan qismi ham buzib tashlanmoqda

© Minstroy UzbekistanaV Djizake snosat dom, chast kotorogo obrushilas
V Djizake snosat dom, chast kotorogo obrushilas - Sputnik O‘zbekiston
Obuna bo‘lish
Binoning qolgan qismi ham talabga javob bermasligi va odamlar sog‘lig‘iga xavf tug‘dirishi mumkinligi inobatga olinib, tadbirkorning o‘z hisobidan buzib tashlanmoqda.
TOShKENT, 25 yanv — Sputnik. Jizzax shahrida yanvar boshida qulagan 6 qavatli binoning qolgan qismi buzib tashlanmoqda. Bu haqda Qurilish vazirligi matbuot xizmati xabar qilmoqda.
“Jizzaxda qulagan 6 qavatli binoning qolgan qismi ham talabga javob bermasligi hamda yaqin orada qulab, odamlar sog‘lig‘iga xavf tug‘dirishi mumkinligi inobatga olinib, tadbirkorning o‘z hisobidan buzib tashlanmoqda”, - deyilgan vazirlik xabarida.
Bino 10-yanvar kuni qulab tushgan edi. Vazirlar Mahkamasining tegishli farmoyishi bilan bosh vazirning birinchi o‘rinbosari Ochilboy Ramatov rahbarligida hukumat komissiyasi tuzilgan.
V Djizake obrushilas chast 6-etajnogo stroyashegosya doma - Sputnik O‘zbekiston
Jizzaxda yangi qurilayotgan ko‘p qavatli uyning bir qismi qulab tushdi – hozir nimalar ma’lum
Komissiya zimmasiga 6 qavatli uyning qulab tushish sabablari, bunga omil bo‘lgan holatlar, loyiha hamda pudratchi tashkilot tomonidan uyning barpo etilishi davrida shaharsozlik norma va qoidalariga rioya etilgani, shuningdek, bunday holatlarning oldini olish bo‘yicha amaldagi normativ-meyoriy huquqiy hujjatlarni o‘rganib chiqib, taklif kiritish vazifasi yuklatilgan.
Bosh prokuratura Jizzax viloyati qurilish sohasida hududiy nazorat inspeksiyasi mansabdor shaxslariga nisbatan Jinoyat kodeksining 207-moddasi (Mansabga sovuqqonlik bilan qarash) bilan jinoyat ishi ochilganini ma’lum qildi. 
Yangiliklar lentasi
0