O‘zbekistonga 2020-yilda asosan qaysi davlatlardan tashrif buyurishdi

© Sputnik / Yevgeniy Biyatov / Mediabankka o‘tishPassajiri v aeroportu Vnukovo
Passajiri v aeroportu Vnukovo - Sputnik O‘zbekiston
Obuna bo‘lish
O‘tgan yili O‘zbekistonga 1,5 million chet ellik tashrif buyurgan. Bu 2019-yilga qaraganda 77,7 foizga kam. Kelganlarning asosiy safar maqsadlari qarindoshlarni yo‘qlash bo‘lgan.
TOShKENT, 26 yanv — Sputnik. 2020-yil yanvar-dekabr oylarida O‘zbekistonga sayyohlik maqsadda tashrif buyurgan chet el fuqarolari soni 1,5 million kishini tashkil etdi. 2019-yilning shu davriga nisbatan ushbu ko‘rsatkich 77,7 foizga kamaydi. Bu haqda Davlat statistika qo‘mitasi hisobotida keltirilgan.
O‘tgan yili 2 million O‘zbekiston fuqarosi sayyohlik maqsadlarda chet elga ketgan. Bu ko‘rsatkich 2019-yilga qaraganda 76,3 foizga kam.
Vid na gorod Samarkand - Sputnik O‘zbekiston
Pandemiya davridagi turizm: Abduhakimov 2021-yil bo‘yicha rejalarni ma’lum qildi
MDH davlatlaridan 1,4 million kishi kelgan (tashrif buyurganlarning 94,4 foizi), boshqa davlatlardan esa 83,8 ming kishi (yoki 5,6 foiz) kelgan.
O‘zbekistonga kelgan chet elliklarning eng katta oqimi quyidagi davlatlardan qayd etildi: Qirg‘iziston - 508 ming kishi (barcha kelganlarning umumiy sonidan 33,8 foiz), Qozog‘iston - 424,1 ming kishi (28,2 foiz), Tojikiston - 337,5 ming kishi (22,4 foiz), Rossiya - 81,6 ming kishi (5,4 foiz),Turkmaniston - 60,6 ming kishi (4 foiz), Ozarbayjon - 2,2 ming kishi (0,1 foiz) va Belarus - 1,6 ming kishi (0,1 foiz).
Mamlakatga kelgan chet el fuqarolarining asosiy safar maqsadlari qarindoshlarni yo‘qlash bo‘lgan (87,8 foiz). Sayyohlik maqsadida – 8,6 foiz, davolanish maqsadida – 1 foiz, xizmat yuzasidan – 1,2 foiz, tijorat uchun – 1,1 foiz, o‘qish uchun – 0,3 foiz chet el fuqarolari tashrif buyurgan.
Yangiliklar lentasi
0