Jamiyat

Rossiya OTMlarida tahsil olayotgan oʻzbekistonlik talabalar firibgarlardan ogohlantirildi

© SputnikPosolstvo Uzbekistana v Rossii
Posolstvo Uzbekistana v Rossii - Sputnik Oʻzbekiston, 1920, 08.02.2021
Rossiyaga qaytish istagidan boʻlgan oʻzbekistonlik talabalarning chegarani kesib oʻtishda yordam berish uchun Rossiya OTMlari nomidan soxta taklif xatlari tayyorlaydigan shubhali shaxslarga murojaat qilish holatlari uchramoqda.
TOSHKENT, 8 fev — Sputnik. Oʻzbekistonning Moskvadagi elchixonasi Rossiya oliy oʻquv yurtlarida taʼlim olayotgan mamlakat fuqarolari va ularning ota-onalariga murojaat qildi.
Taʼkidlanishicha, Rossiya Taʼlim va ilm-fan vazirining buyrugʻi bilan 2021 yil 8 fevraldan boshlab ushbu vazirlik huzuridagi oliy oʻquv yurtlarida kunduzgi oʻqish jarayoni boshlash koʻzda tutilgan.
Ommaviy axborot vositalarida Rossiya tomonining anʼanaviy oʻqish shaklini boshlash toʻgʻrisida xabarlar tarqalgandan soʻng Rossiyaga qaytish istagidan boʻlgan oʻzbekistonlik talabalarning turli soxta hujjatlar, shu jumladan, chegarani kesib oʻtishda yordam berish uchun Rossiya oliy oʻquv yurtlari nomidan soxta taklif xatlari tayyorlashga ixtisoslashgan shubhali shaxslarga murojaat qilish holatlari uchramoqda.
Studentы  - Sputnik Oʻzbekiston, 1920, 03.02.2021
Rossiya
Oʻzbekistonlik talabalarning Rossiyaga kirishini tashkil etish masalasi koʻrib chiqilmoqda
Bundan tashqari, ijtimoiy tarmoqlar va messenjerlarda Oʻzbekistondan Rossiyaga charter reysiga talabalar roʻyxati tuzilayotgani haqidagi maʼlumotlar tarqalmoqda.
Elchixona bu Rossiya Hukumatining 2020 yil 16 martdagi 635-r-sonli “Rossiya Federatsiyasiga xorijiy fuqarolari va fuqaroligi yoʻq shaxslar kirishini vaqtincha cheklash hamda vizalar va takliflarni rasmiylashtirishni vaqtincha toʻxtatish haqida”gi qarori talablariga zid ekanini eslatgan.
“Hozirgi vaqtda Rossiya oliy oʻquv yurtlarida tahsil olayotgan oʻzbekistonlik talabalar Rossiya Federatsiyasi hududiga toʻsqinliklarsiz kirish huquqiga ega fuqarolar tasnifiga kirmaydi”, - deyilgan xabarda.
Rossiya xalqaro aeroportlariga charter reyslari bilan kelgan Oʻzbekiston fuqarolari chegarani kesib oʻtishda va tasdiqlovchi hujjatlar yuzasidan muammolarga duch kelishlari mumkin.
“Yuqoridagilarni inobatga olgan holda, shubhali shaxslarning taʼsiriga tushib qolmaslik va aldanib qolmaslik, Rossiya hududiga kirishda rad javobi olmaslik uchun hamda charter reyslari tashkilotchilari va aviatashuvchilar bila sud jarayonlarining oldini olish maqsadida, oliy oʻquv yurtlari xalqaro boʻlimlari bilan doimiy ravishda aloqada boʻlib turish va chegaralar ochilgunga qadar masofaviy taʼlimni davom ettirish soʻraladi”, - deya murojaat qilgan elchixona.
Xabarda elchixonaning rasmiy sayti va ijtimoiy tarmoqlardagi sahifalarida taʼlimni davom ettirish uchun Rossiyaga kelish imkoniyati haqidagi axborotlar tezkor ravishda joylashtirib borilishi qoʻshimcha qilingan.
Sayt: www.uzembassy.ru
“Facebook”dagi sahifa: facebook.com/UzEmbassy.ru
“Instagram”dagi sahifa: instagram.com/uzembassyrussia
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala