Iqtisod

Tojik tadbirkorlariga kredit stavkasini pasaytirish: ekspert Oʻzbekiston uchun foydasi haqida

© Nguyen Huy KhamDollarы
Dollarы - Sputnik Oʻzbekiston, 1920, 11.02.2021
MDH davlatlari instituti, iqtisodiyot boʻlimi boshligʻi Aza Migranyan tojikistonlik tijoratchilari uchun Oʻzbekiston kreditlari stavkasining pasayishi yuzasidan izoh berdi.
“Amonatbank” (Tojikiston) va Tashqi iqtisodiy faoliyat milliy banki (Oʻzbekiston) Oʻzbekiston tovarlarini import qilishi uchun tojikistonlik tijoratchilarga kredit foiz stavkasini sezilarli darajada pasaytirishga kelishib oldilar.
Gazoxraniliщe - Sputnik Oʻzbekiston, 1920, 02.02.2021
Iqtisod
Tojikiston Oʻzbekistondan gaz xarid qilish hajmini koʻpaytiradi
Ekspertning fikriga koʻra, hozirgi vaqtda bu qaror iqtisodiyotga qanday taʼsir qilishini baholab boʻlmaydi, chunki bu oʻzaro savdo aylanmasi ulushi va uning oʻsishiga bogʻliq boʻladi. Bu holda kredit asosan Tojikistonda Oʻzbekiston tijorat manfaatlarini ilgari surishga yordam beradi, bu savdo cheklovlari va pandemiyadan soʻng sharoitlarida muhim.
"Bu juda foydali, chunki u ikki tomonlama taʼsirga ega. Jahon amaliyoti shuni koʻrsatmoqdaki, Xitoy oʻzaro savdo operatsiyalarini koʻpincha turli mamlakatlarga eksportni parallel kreditlash bilan birga olib boradigan bunday munosabatlar sxemasida yetakchi hisoblanadi, bu eksportni kengaytirish va qoʻllab-quvvatlash, shuningdek, kreditning qoʻshimcha foizlarini olishga imkon beradi", - dedi Migranyan Sputnik bilan suhbatda.
Ekspert tojikistonlik ishbilarmonlar uchun Oʻzbekiston kredit stavkalari uncha katta emasligiga eʼtibor qaratdi, shuning uchun moliya sektori uchun qoʻshimcha daromad haqida gapirish mumkin emas.
"Ammo shunga qaramay, agar biz Oʻzbekiston mahsulotlarini Tojikiston hududida sotish imkoniyatlari haqida gapiradigan boʻlsak, bu aniq foyda va raqobatdosh ustunlikdir", - dedi u.
Migranyan qoʻshimcha qilishicha, Tojikiston Oʻzbekiston koʻmagi bilan bir qator dolzarb masalalarni, xususan, bir qator mahsulot turlariga boʻlgan ichki talabni qondirish va ijtimoiy taʼminot muammolarini hal qilishga umid qilmoqda.
"Tojikiston iqtisodiyoti sezilarli darajada importga bogʻliqligini hisobga olsak, pandemiyadan keyin tiklanish davrida Tojikiston iqtisodiyotining barqarorligini saqlab qolish haqida gaplashish mumkin. Tojikistonni kredit bilan qoʻllab-quvvatlash narxlarning oʻsishini toʻxtatuvchi omil boʻlishi mumkin. Bu aholi turmush darajasi va farovonligini saqlash nuqtai nazaridan nihoyatda muhim", - deb xulosa qildi ekspert.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala