Mutaxassislarning xorijda ta’lim olishini tashkil etish tizimi tubdan qayta ko‘rib chiqiladi

© Sputnik / Pavel Bednyakov / Mediabankka o‘tishStudenti
Studenti - Sputnik O‘zbekiston, 1920, 14.02.2021
Obuna bo‘lish
Prezident farmoni bilan “El-yurt umidi” jamg‘armasining qo‘shimcha vazifalari va faoliyat yo‘nalishlari belgilandi.
TOShKENT, 14 fev — Sputnik. “Davlat xizmatchilari va mutaxassislarni xorijda tayyorlash hamda ularning salohiyatini yanada oshirish tizimini tubdan takomillashtirish chora-tadbirlari to‘g‘risida”gi prezident farmoni qabul qilindi.
Farmonga muvofiq, “El-yurt umidi” jamg‘armasining qo‘shimcha vazifalari va faoliyat yo‘nalishlari belgilandi.
Shunga ko‘ra, mutaxassislarni izlab topish, tanlash va ularning xorijda ta’lim olishini tashkil etish tizimi tubdan qayta ko‘rib chiqiladi.
Bunda:
  • ochiq stipendiya tanlovlari asosida xorijda bakalavriat, magistratura va doktoranturada ta’lim olish dasturlari Jamg‘armaning asosiy ta’lim dasturlari hisoblanadi;
  • Jamg‘arma ta’lim dasturlari bo‘yicha nomzodlarni saralash tanlovi muntazam ravishda va O‘zbekistonning barcha fuqarolari uchun ularning respublikadagi ish va o‘qish joyidan qat’i nazar ochiq tarzda amalga oshiriladi;
  • Jamg‘arma tomonidan vazirliklar, idoralar va tashkilotlarning to‘g‘ridan-to‘g‘ri buyurtmalari asosida istiqbolli va talab yuqori bo‘lgan mutaxassisliklar bo‘yicha stajirovkadan o‘tish dasturlari tashkil etiladi.
Jamg‘arma ta’lim dasturlari bo‘yicha nomzodlarning ochiq saralash tanlovi quyidagi yo‘nalishlar bo‘yicha amalga oshiriladi:
- davlat va jamiyat boshqaruvi;
- qonun ustuvorligini ta’minlash va sud-huquq sohasi;
- ta’lim, sog‘liqni saqlash va boshqa ijtimoiy soha tarmoqlari;
- iqtisodiyot sohalari va tarmoqlari.
Jamg‘arma 2021-yilda ochiq stipendiya tanlovlari asosida yoshlarning nufuzli xorijiy mamlakatlarda bakalavriat dasturi bo‘yicha ta’lim olishi uchun 100 ta o‘rin, magistratura va doktoranturada o‘qish uchun avvalgi yillarga nisbatan o‘rtacha 5 barobar ko‘p o‘rin ajratadi.
Yangiliklar lentasi
0