Iqtisod

"Gʻuzor-Regar" elektr tarmogʻini tiklash boshlandi

© Press-slujba Minenergo UzbekistanaGuzor
Guzor - Sputnik Oʻzbekiston, 1920, 19.02.2021
Oʻzbekiston va Tojikiston elektr energetika tizimlarining paralell va ishonchli ishlashini taʼminlaydigan "Gʻuzor-Regar" elektr tarmogʻi tiklanmoqda.
TOSHKENT, 19 fev - Sputnik. Oʻzbekiston va Tojikisiton orasida quvvati 500 kV boʻlgan "Gʻuzor-Regar" (L-507) elektr tarmogʻini tiklash boshlandi, deb xabar qilmoqda Energetika vazirligi. 
Mazkur loyiha – Oʻzbekiston va Tojikiston energetika tizimlarining parallel ishlashi vaqtida elektr energiyasi ishonchliligini taʼminlashga xizmat qiladi- , deyiladi xabarda.
Ayni paytda loyiha doirasida 500 kVli Gʻuzor – Regar elektr uzatish tarmogʻining Oʻzbekiston Respublikasi hududidagi 63 kilometr uzunlikdagi qismini qayta qurish ishlari boshlab yuborildi. Ushbu ishlar joriy yilning toʻrtinchi choragida yakunlanishi koʻzda tutilgan.
Maʼlumot uchun, Oʻzbekiston va Tojikiston orasida energetika va suv resurslari muvozanatini saqlash, isteʼmolchilarni elektr energiyasi bilan barqaror taʼminlash borasida bir qator investitsion loyihalar amalga oshirilmoqda. Yuqorida qayd etilgan "Gʻuzor-Regar" elektr tarmogʻini tiklash loyihasi ham Tojikiston va Oʻzbekiston savdo-iqtisodiy hamkorlik boʻyicha hukumatlararo komissiyasi bayonnomasi asosida amalga oshirilmoqda.
 
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala