Jamiyat

Oʻzbekiston koronavirusga qarshi emlashga tayyormi – Otabekov javobi

© Ministerstvo zdravooxraneniya respubliki UzbekistanGlavnыy san inspektor Uzbekistana - Nurmat Otabekov
Glavnыy san inspektor Uzbekistana - Nurmat Otabekov  - Sputnik Oʻzbekiston, 1920, 24.02.2021
Oʻzbekistonda koronavirusga qarshi emlash jarayoni mart oyining birinchi yarmida boshlanishi kutilmoqda. Xoʻsh, mamlakat bunga qanchalik tayyor?
TOSHKENT, 24 fev — Sputnik. Oʻzbekistonda milliy emlash jarayonlariga tayyorgarlik boshlab yuborilgan. Sanitariya-epidemiologik osoyishtalik va jamoat salomatligi xizmati boshligʻining oʻrinbosari Nurmat Otabekov vaktsinalarni saqlash va hududlarga yetkazib berish uchun sharoitlar qay darajada ekanligi xususida maʼlumot berdi.
Uning soʻzlariga koʻra, oʻtgan yillar davomida jami 21 ta vaktsina saqlash omborlari, shu jumladan, 1 ta milliy, 14 ta mintaqaviy va 6 ta tuman omborlari qurilishi qoʻllab-quvvatlangan edi.
“Hozirgi vaqtda mamlakatimiz boʻyicha 16 ta vaktsina ombori qurib bitkazilib, 29 ta maxsus sovutkichlar vaktsina omborlariga oʻrnatildi. Qolgan 5 ta vaktsina omborxonasi esa 2021 yilning birinchi choragi oxirigacha qurib, foydalanishga topshirilishi kutilmoqda”, - dedi Otabekov.
Taʼkidlanishicha, joriy yilning ikkinchi choragi yakuniga qadar milliy omborxona ham qurib bitkaziladi.
Proizvodstvo vaktsinы Sputnik V  - Sputnik Oʻzbekiston, 1920, 23.02.2021
Jamiyat
Oʻzbekiston hukumati 8 ta yirik vaktsina ishlab chiqaruvchiga murojaat etgan - Behzod Musayev
Barcha omborlarga yongʻin xavfsizligi va signalizatsiya tizimi oʻrnatilgan boʻlib, ulardagi mavjud sovuqlikni taʼminlab berish tizimlari zamonaviy generatorlar va stabilizatorlarga ulangan.
Otabekov vaktsinalarni xavfsiz va tezkor tashish uchun mamlakatga jami 17 ta avtorefrijirator, 206 Miniven-Labo avtomashinalari  keltirilganini qoʻshimcha qildi.
Viloyatlarga jami 34 ta muzxona, 10 121 dona termokonteyner va termosumka, 749 ta muzlatkich, birlamchi  davolash-profilaktika muassasalariga 2 mingdan ortiq sovutkich oʻrnatilgan.
Barcha omborlar vaktsinalarni yuklash-tushirish uskunalari, avtokaralar va maxsus kiyimlar bilan taʼminlandi.
Bundan tashqari, hududlarga jami 4000 harorat indikatori va 5000 muzlatish indikatori tarqatildi, ehtiyot qismlari zahirasi yaratilib, mavjud omborlar ixtiyoriga oʻtkazildi.
Vaktsinatsiya ot koronavirusa - Sputnik Oʻzbekiston, 1920, 23.02.2021
Oʻzbekistonda COVID-19ga qarshi birinchi navbatda emlanuvchilar roʻyxati bahslarga sabab boʻldi
“Olib borilgan ana shunday tadbirlar natijasida immunoprofilaktika dasturlarining oʻz vaqtida, toʻliq ijro etilishi orqali yurtimizda nafaqat koronavirus, balki boshqa boshqariluvchi yuqumli kasalliklar boʻyicha epidemik barqarorlikka erishilmoqda”, - deya xulosa qildi u.
Eslatib oʻtamiz, Oʻzbekistonda koronavirusga qarshi emlash jarayoni mart oyining birinchi yarmida boshlanishi kutilmoqda. Birinchi navbatda yoshi katta, surunkali kasalligi bor va birlamchi xizmat koʻrsatuvchi soha xodimlarini (shifokor, oʻqituvchi, IIO xodimlari va hokazo) joriy yil oxirigicha koronavirusga qarshi vaktsina bilan toʻliq emlash rejalashtirilgan.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala