Video

Putin va Japarovning birinchi uchrashuvi qanday oʻtdi – video  

Qirgʻiziston yangi prezidenti Sadir Japarovning birinchi xorijiy tashrifi - Rossiyaga 24 fevral kuni boʻlib oʻtdi. Japarov Vladimir Putin bilan Kreml saroyida uchrashdi.
Uchrashuv davomida Rossiya prezidenti Qirgʻiziston prezidentini lavozimga rasman kirishishi bilan tabrikladi va Rossiya va Qirgʻiziston munosabatlarining yuqori darajada ekanidan mamnunligini qayd etdi.
Shuningdek, Putin Rossiya va Qirgʻiziston munosabatlari ittifoqchilik darajasida ekanini hamda iqtisodiy hamkorlik boʻyicha Rossiya Qirzigʻistonning birinchi raqamli hamkori ekanini alohida qayd etib oʻtdi.
Undan tashqari Rossiya prezidenti koronavirusga qarshi kurash borasida Qirgʻizistonda olib borilayotgan ishlar samarali ekanini va bu borada Rossiya bilan hamkorlikni yanada chuqurlashtirish borasida bildirilayotgan qoʻshimcha takliflar borasida Rossiya Qirgʻizistonni qoʻllab-quvvatlashga tayyor ekanini bildirdi.
Oʻz navbatida Japarov Putinga Kreml saroyidagi qabul uchun minnatdorlik bildirdi va Rossiya prezidentini Qirgʻizistonga taklif qildi. 
Eslatib oʻtamiz, bu Qirzigʻiston yangi prezidentining birinchi xorijiy tashrifi edi. 
Rossiya va Qirgʻiziston prezidentlari uchrashuvi haqida batafsil videolavhamizda tomosha qiling.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala