Jamiyat

Maxsus komissiya xalqaro koʻrgazma va yarmarkalarni oʻtkazishga ruxsat berdi

© Sputnik / StringerPlodoovoщnaya yarmarka v Tashkente
Plodoovoщnaya yarmarka v Tashkente - Sputnik Oʻzbekiston, 1920, 26.02.2021
Oʻzbekistonda barcha bosqichlarida epidemiologik tartiblarga rioya etilishi talabi bilan xalqaro koʻrgazmalar oʻtkazishga ruxsat berildi.
TOSHKENT, 26 fev - Sputnik. Respublika maxsus komissiyasi, Investitsiyalar va tashqi savdo vazirligi hamda Sogʻliqni saqlash vazirligi bilan kelishilgan holda, 20 fevraldan boshlab Oʻzbekiston hududida xalqaro koʻrgazma va yarmarkalar oʻtkazishga ruxsat berdi.
Xalqaro koʻrgazmalar sanitariya-epidemiologiya meʼyorlari va qoidalari talablariga qatʼiy muvofiq qilgan ravishda oʻtkazilishi mumkin. Talablar quyidagicha:
  • tashkilotchi Respublika hududida sanitariya-epidemiologiya xizmati xodimlarini shartnoma asosida jalb qilgan holda tashkil etilayotgan tadbirlarning barcha bosqichlarida epidemiologik tartiblarga rioya etilishi ustidan nazoratni taʼminlashi shart;
  • barcha tadbir ishtirokchilaridan himoya niqobi yoki respirator taqishlari talab qilinadi;
  • tadbirga kirishda barcha ishtirokchilar pirometrlar yordamida haroratni oʻlchash jarayonidan oʻtishi talab etiladi, yuqori harorat yoki yuqumli kasalliklar belgilari boʻlgan shaxslarga tadbirda qatnashishga ruxsat berilmaydi;
  • ekspozitsiyalar orasidagi masofa kengligi kamida 3 metr boʻlishi kerak;
  • tadbir oʻtkazish joylarida shamollatish tizimlari kirayotgan havoning chiqayotganidan ustunligini taʼminlashi kerak.
Eslatib oʻtamiz, Oʻzbekiston Respublikasi Vazirlar Mahkamasining 2020 yilning 23 martdagi "Koronavirus infektsiyasi tarqalishiga qarshi qoʻshimcha chora-tadbirlar toʻgʻrisida"gi Qaroriga muvofiq Respublikada barcha turdagi ommaviy tadbirlar toʻxtatilgan edi.
 
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala