Jamiyat

Maxsus ishchi guruh talabalar yashash sharoitini oʻrganish bilan shugʻullanadi

© Sputnik / Yekaterina Chesnokova / Fotobankka oʻtishObщejitiye
Obщejitiye - Sputnik Oʻzbekiston, 1920, 01.03.2021
Har bir hududda Ishchi guruh tuziladi. Ijarada va yaqin qarindoshinikida yashayotgan talabalar boʻyicha oʻrganish tizimi joriy etiladi.
TOSHKENT, 1 mar — Sputnik. Oʻzbekistonda maxsus ishchi guruhlar talabalar yashash sharoiti va harakatlanishini monitoring qiladi. Bu haqda respublika bosh vaziri oʻrinbosari Behzod Musayev oʻtkazgan favqulodda yigʻilishda maʼlum qilindi.
Oliy va oʻrta maxsus taʼlim vazirligi matbuot xizmati xabariga koʻra, yigʻilishda jarayonida oliy taʼlim muassasalari rektorlari, prorektorlari, dekan, shuningdek, yoshlar boʻyicha yetakchilari tomonidan talabalarning yashash sharoitlarini tahlil qilish oʻz holiga tashlab qoʻyilganligi tanqid qilingan.
Mashina skoroy pomoщi - Sputnik Oʻzbekiston, 1920, 28.02.2021
Hodisalar
Toshkentda ijaradagi uydan besh talabaning murdasi topildi
Xususan, talabalar ijarada qayerda yashamoqda, kimnikida turibdi, yashash sharoiti qanday, darsdan keyin nima ish bilan mashgʻul boʻladi, boʻsh vaqtini qanday oʻtkazadi, bu talabalarning oʻqish jarayoniga qanday taʼsir koʻrsatmoqda kabi jiddiy masalalar koʻrib chiqildi.
Ayniqsa, masʼullar tomonidan talabalarning xususiy uy-joylarda yashash sharoitlari bilan bevosita joyiga chiqqan holda oʻrganilmayotganligi koʻrsatib oʻtildi.
Muhokama majlisida ijarada turadigan talabalarning va ijara beruvchi fuqarolar oʻrtasida munosabatni shaffoflashtirish, ijara uchun berilgan uy-joylarning holati, ota-onalar va talabalar uchun ijara uchun beriladigan uy-joylar toʻgʻrisida yagona axborot tizimini yaratish kabi masalalarga ham toʻxtalib oʻtildi.
Muhokama natijasida quyidagilarni amalga oshirishga kelishib olindi:
  • birinchidan, Oliy va oʻrta maxsus taʼlim vazirligi, IIV, SSV hamda FVV “Talabalar yashash sharoiti va xarakatlanishi monitoringini yoʻlga qoʻyish va bu boradagi ishlarni takomillashtirish” yuzasidan qoʻshma qarorini qabul qilish;
  • qoʻshma qarorda har bir hududda Ishchi guruh tuzib, ijarada va yaqin qarindoshinikida yashayotgan talabalar boʻyicha oʻrganish tizimini joriy qilish;
  • ikkinchidan, har bir hudud kesimida talabalar turar joylari va ijaradagi talabalarning yashash sharoiti va turar joyi holatini, ayniqsa yongʻin va boshqa texnik xavfsizlik talablariga mos kelishini toʻliq tanqidiy va tahliliy oʻrganish;
  • uchinchidan, OTM prorektorlarining lavozim vazifalarini qayta koʻrib chiqib, ularning talabalar turar joyi va ijarada yashaydigan talabalar bilan ishlash tizimini yaratish;
  • toʻrtinchidan, FVVning joylardagi boshqarma va boʻlimlari bilan birgalikda har bir talabalar turar joyidagi yongʻin xavfsizligi va boshqa texnik xavfsizlik masalalarini oʻrganib chiqish;
  • beshinchidan, talabalarga birlamchi yongʻin va boshqa texnik xavfsizlik masalalari boʻyicha yetarli tushuntirishlar berish;
  • oltinchidan, ijarada turadigan talabalar bilan guruh murabbiylari, profilaktika inspektorlari va mahalla masʼullari tomonidan hamkorlikda olib boriladigan profilaktik tadbirlar qamrovi va sifatini oshirish;
  • yettinchidan, viloyat markazlariga yoki Toshkent shahriga uzoq tumanlar va boshqa viloyatlardan oliy taʼlim muassasasiga oʻqishga kelib, ijarada turadigan talabalarni vaqtinchalik roʻyxatga olish mexanizmini ishlab chiqish va amaliyotga joriy etish;
  • sakkizinchidan, OTMlarga oʻqishga qabul qilingan talabalarning ehtiyojidan kelib chiqib, talabalar turar joylarini qurish yuzasidan ishlab chiqilgan manzilli dasturni takomillashtirish.
Ishchi guruhlar joriy yilning 1 martidan oʻz faoliyatini boshlaydi. Mazkur masala har hafta Vazirlar Mahkamasi tomonidan nazorat va tahlil qilib boriladi.
Eslatib oʻtamiz, avvalroq Toshkent shahri Yunusobod tumanidagi uydan besh nafar talabaning jasadi nomaʼlum moddadan oʻtkir zaharlanish alomatlari bilan topilgan edi.
 
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala