Sport

FIFA Oʻzbekistonda VAR tizimidan foydalanishga rasman ruxsat berdi

© Sputnik / Aleksandr Kryajev / Fotobankka oʻtishSistema VAR
Sistema VAR - Sputnik Oʻzbekiston, 1920, 02.03.2021
FIFA 2021 yilgi mavsumda OʻFA hamda OʻzPFL tomonidan tashkil etiladigan futbol uchrashuvlarida VAR tizimini qoʻllashga ruxsat berdi.
TOSHKENT, 2 mar — Sputnik. FIFA Oʻzbekistonda 2021 yilgi mavsumdan boshlab futbol uchrashuvlarida VAR (Video Assistant Referee, video yordamchi hakam) tizimidan foydalanishga ruxsat berdi. Bu haqda OʻFA matbuot xizmati xabar qilmoqda.
Taʼkidlanishicha, OʻFA barcha tegishli hujjatlarni FIFA VAR platformasiga yuklagan. Shuningdek, oʻzbekistonlik VAR tizimi mutaxassislarining 2020 yilgi sinov oʻyinlarida qayd etgan natijalari FIFA tomonidan inobatga olingan.
“Shu sababli FIFA 2021 yilgi mavsumda OʻFA hamda OʻzPFL tomonidan tashkil etiladigan futbol uchrashuvlarida VAR tizimini qoʻllashga ruxsat berdi”, - deyilgan xabarda.
Eslatib oʻtamiz, prezident farmoni bilan 2021 yilgi futbol mavsumidan boshlab Superliga jamoalari oʻrtasidagi uchrashuvlarda adolat va shaffoflikni taʼminlash maqsadida VAR tizimini joriy etish belgilangan edi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala