“Mehr-4”: Afg‘onistondan 24 nafar o‘zbekistonlik qaytarildi

© Press-slujba UVD Surxandarinskoy oblastiV ramkax gumanitarnoy operatsii "Mexr-4" iz Afganistana v Uzbekistan vozvrasheni 24 sootechestvennika
V ramkax gumanitarnoy operatsii Mexr-4 iz Afganistana v Uzbekistan vozvrasheni 24 sootechestvennika - Sputnik O‘zbekiston, 1920, 03.03.2021
Obuna bo‘lish
“Mehr-4” operatsiyasi doirasida 24 nafar fuqaro Afg‘onistondan O‘zbekistonga qaytarildi. Ular tibbiy ko‘rikdan o‘tkazilib, Termiz tumanidagi davolash va sog‘lomlashtirish markazi binosiga joylashtirilgan
TOShKENT, 3 mar — Sputnik. “Mehr-4” operatsiyasi doirasida Afg‘onistondan 24 nafar o‘zbekistonlik vatanga qaytarildi. Bu haqda Surxondaryo viloyati IIB axborot xizmati xabar qilmoqda.
Ta’kidlanishicha, ular Afg‘oniston va Pokiston hududlarida tashkil etilgan xalqaro terrorchilik tashkiloti saflariga qo‘shilib qolishgan. Keyinchalik Afg‘oniston hududiga o‘tishgan va ushbu hududda yashashgan.
Afg‘onistonning hamkor tashkilotlari ko‘magida olib kelingan ushbu shaxslar Surxondaryo viloyatining Termiz tumani hududida joylashgan “Ayritom” chegara posti orqali kutib olingan. Mahalliy OAVlarning yozishicha, olib kelinganlardan 19 nafarini bolalar tashkil etmoqda, 4 nafar bola yetim. 
Ular tibbiy ko‘rikdan o‘tkazilib, viloyat hokimiyati, Davlat xavfsizlik xizmati viloyat boshqarmasi, viloyat Ichki ishlar boshqarmasi hamda sog‘liqni saqlash muassasalari rahbarlari ishtirokida Termiz tumanidagi davolash va sog‘lomlashtirish markazi binosiga joylashtirilgan.
© Press-slujba UVD Surxandarinskoy oblastiV ramkax gumanitarnoy operatsii "Mexr-4" iz Afganistana v Uzbekistan vozvrasheni 24 sootechestvennika
V ramkax gumanitarnoy operatsii Mexr-4 iz Afganistana v Uzbekistan vozvrasheni 24 sootechestvennika - Sputnik O‘zbekiston, 1920, 09.03.2021
Eslatib o‘tamiz, 2019-yilda may oyida  “Mehr-1”  insonparvarlik operatsiyasi doirasida 156 nafar o‘zbekistonlik, asosan, ayollar va bolalar Suriyadan qaytarilgan edi. Keyinchalik “Mehr-2" operatsiyasi amalga oshirilib, Iroqdan 64 nafar o‘zbekistonlik bola mamlakatga olib kelindi. O‘tgan yil dekabr oyida “Mehr-3” doirasida yana 98 nafar o‘zbekistonlik ayollar va bolalar Vatanga qaytarildi.
Yangiliklar lentasi
0