Iqtisod

"UzAuto Motors" mahalliylashtirishdagi muammolarni sanab oʻtdi

© UzAvto MotorsLokalizatsiya proizvodstva UzAvto Motors
Lokalizatsiya proizvodstva UzAvto Motors - Sputnik Oʻzbekiston, 1920, 05.03.2021
Mamlakatda kerakli xom-ashyo boʻlmasa - mahalliylashtirish imkonsiz. Masalan, yengil avtomobil kuzovlari uchun poʻlat ishlab chiqarish sanoati - bizda mutlaqo yoʻq.
TOSHKENT, 5 mar - Sputnik. Shu kunlarda "UzAuto Motors" korxonasida deputatlar va jurnalistlar uchun press-tur boʻlib oʻtmoqda. Bugungi kun mahalliylashtirish mavzusiga bagʻishlandi.
Mahalliylashtirishdan koʻzlangan asosiy maqsad – ishlab chiqarilayotgan mahsulot tannarxini va xorijiy valyutaga bogʻliqlikni kamaytirish. Shunga qaramay, avtomobil sanoati import xom ashyo va butlovchi detallarga bogʻliq boʻlib qolmoqda, bu koʻpincha mahalliylashtirishning imkonsiz ekanligi bilan bogʻliq. 
Masalan, yengil avtomobil uchun kuzovlar Oʻzbekistonda ishlab chiqarilsa-da, poʻlat Rossiyadan keltiriladi (yaqinda u 35-60% qimmatlashdi), chunki avtomobillar uchun poʻlat ishlab chiqarish sanoati bizda mutlaqo yoʻq. 
Shuningdek, valyuta kurslariga bogʻliqlik korxonalar olgan kreditlarga taʼsir koʻrsatadi, ular boʻyicha foizlar milliy valyutada 20-24% va AQSH dollarida 7-8% oraligʻida belgilangan, holbuki boshqa mamlakatlarda bu faqat 2-3%ni tashkil etadi. Faqat mana shu kreditlar foizlarini toʻlashning oʻziga 75 mlrd. soʻmdan oshiq pul sarflangan.
“Oʻzavtokomponents” AJ direktori Shafqatbek Alimov qayd etishicha, bugungi kunda Oʻzbekistonda yengil avtomobillar ishlab chiqarish uchun butlovchi qismlar yetkazib beruvchi 170 dan ziyod korxona mavjud. Ushbu korxonalar bazasida 200 dan ziyod texnologiyalar oʻzlashtirilgan va 4 000 dan ziyod detallar mahalliylashtirilgan.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala