Sadir Japarovning O‘zbekistonga tashrifi tafsilotlari borasida ma’lumot berildi

© © Press-slujba prezidenta KR / Sultan DosaliyevPrezident Kirgizstana Sadir Japarov
Prezident Kirgizstana Sadir Japarov - Sputnik O‘zbekiston, 1920, 09.03.2021
Obuna bo‘lish
Bo‘lajak oliy darajadagi muzokaralarda O‘zbekiston bilan Qirg‘iziston o‘rtasidagi strategik sheriklik munosabatlarini yanada rivojlantirish va mustahkamlash masalalarining barcha yo‘nalishlarini ko‘rib chiqish rejalashtirilgan.
TOShKENT, 9 mar — Sputnik. O‘zbekiston prezidenti Shavkat Mirziyoyevning taklifiga binoan Qirg‘iziston prezidenti Sadir Japarov joriy yilning 11-12 mart kunlari davlat tashrifi bilan O‘zbekistonda bo‘ladi. Bu haqda O‘zbekiston davlat rahbari matbuot xizmati xabar qilmoqda.
Ta’kidlanishicha, bo‘lajak oliy darajadagi muzokaralarda O‘zbekiston bilan Qirg‘iziston o‘rtasidagi do‘stlik, yaxshi qo‘shnichilik va strategik sheriklik munosabatlarini yanada rivojlantirish va mustahkamlash masalalarining barcha yo‘nalishlarini ko‘rib chiqish rejalashtirilgan.

Ikki mamlakat yetakchilari uchrashuvining kun tartibidan konstruktiv siyosiy muloqotni davom ettirish, savdo, sanoat, transport, energetika, qishloq va suv xo‘jaligi sohalarida ko‘p qirrali hamkorlikni kengaytirish, parlamentlararo va hududlararo aloqalarni faollashtirish, madaniyat, sog‘liqni saqlash, ta’lim va turizm borasidagi qo‘shma dasturlarni amalga oshirishning dolzarb jihatlari o‘rin olgan.

Xalqaro siyosat va mintaqaviy hamkorlik masalalari yuzasidan fikr almashiladi.
Prezident Kirgizstana Sadir Japarov - Sputnik O‘zbekiston, 1920, 04.03.2021
Sadir Japarovning O‘zbekistonga tashrifi sanasi ochiqlandi
Muzokaralar yakunida davlat rahbarlarining Qo‘shma bayonoti qabul qilinishi, shuningdek, ikki tomonlama munosabatlarning turli yo‘nalishlariga aloqador qator hukumatlararo va idoralararo hujjatlar imzolanishi ko‘zda tutilgan.
Sadir Japarov O‘zbekistonga tashrif buyuradi
Tashrif dasturiga muvofiq Sadir Japarov O‘zbekiston Oliy Majlisining ikkala palatasi rahbarlari va bosh vaziri bilan ham uchrashuvlar o‘tkazadi, mamlakat sanoat korxonalari faoliyati bilan tanishadi.
Yangiliklar lentasi
0