Dunyoda

Italiya, Norvegiya va Daniya AstraZeneca vaktsinasi bilan emlashni toʻxtatdi

© AFP 2018
 - Sputnik Oʻzbekiston, 1920, 11.03.2021
Tromblar paydo boʻlishi va oʻlim holatlari qayd etilgani tuyfayli Norvgeiya, Daniya, Italiya, Avstriya va Islandiyada AstraZeneca vaktsinasi bilan emlash vaqtincha toʻxtatildi.
TOSHKENT, 11 mar - Sputnik. Italiya hukumati Britaniya va Shvetsiyaning AstraZeneca kompaniyasi tomonidan ishlab chiqilgan koronavirusga qarshi vaktsina bilan ommaviy emlashni toʻxtatdi.

"AstraZeneca kompaniyasi vaktsinasini qoʻllashdan soʻng kelib chiqqan jiddiy oqibatlar tufayli, ehtiyotkorlik chorasi sifatida, biz ushbu partiya (ABV2856) vaktsinalarini qoʻllashni toʻxtatdik", - deyilgan Italiyaning dori-darmonlar boʻyicha agentligi (Aifa) rasmiy xabarida.

Xabarda aytilishiga koʻra, hozircha vaktsina kiritish va undan soʻng kelib chiqqan salbiy oqibatlar orasida aloqa oʻrnatilmagan. Tekshiruvlar davom etmoqda.
Bugun 11 mart kuni, bir necha soat oldin Daniya va Norvegiya ham AstraZenecaning koronavirusga qarshi vaktsinasini qoʻllashni toʻxtatgan edi. Xabarda aytilishiga koʻra, Daniyada vaktsina kiritilganidan soʻng bir necha kishida tromb hosil boʻlgan va oʻlim holatlari qayd etilgan.

"Daniyada AstraZeneca vaktsinasi qoʻllanilgan kishilarda tromb hosil boʻlgani haqidagi xabarlardan soʻng Norvegiya ushbu preparat bilan vaktsinatsiya qilishni toʻxtatishga qaror qildi", - deyilgan Norvegiya sogʻliqni saqlash instituti xabarida.

Yevropa dori vositalari agentligi (YEMA) xabariga koʻra, AstraZeneca vaktsinasi va tromblar hosil boʻlini orasidagi aloqa hozircha tekshirilmoqda.
Bir necha kun oldin YEMA AstraZeneca vaktsinasining maʼlum partiyasida muammo aniqlangani sababli uni Avstriyada qoʻllashni vaqtincha toʻxtatgan edi.
TASS xabariga koʻra, ayni damda Islandiyada ham AstraZeneca vaktsinasidan foydalanishni toʻxtatgan.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala