Jamiyat

Senat ommaviy tartibsizlikka daʼvat uchun jinoiy javobgarlik joriy etishni maʼqulladi

CC0 / Unsplash / Matthew Ansley / Tyurma. Illyustrativnoye foto
Tyurma. Illyustrativnoye foto - Sputnik Oʻzbekiston, 1920, 14.03.2021
Ommaviy tartibsizlikka va fuqarolarga nisbatan zoʻravonlik qilishga ommaviy daʼvat qilish uchun 3 yildan 5 yilgacha qamalish mumkin boʻladi.
TOSHKENT, 14 mar — Sputnik. Oʻzbekiston Oliy Majlisi Senati oʻn uchinchi yalpi majlisida ommaviy tartibsizliklarga daʼvat etish uchun jinoiy javobgarlik joriy etishni koʻzda tutadigan qonunni maʼqulladi.
Xabarda yozilishicha, soʻnggi vaqtlarda ayrim veb-sayt yoki veb-sayt egalari, shu jumladan blogerlik faoliyati bilan shugʻullanuvchi shaxslarning axborot olish va uni tarqatish madaniyati toʻliq shakllanmagani sababli, ushbu shaxslar oʻz huquqlarini amalga oshirishlarida boshqa shaxslarning qonun bilan qoʻriqlanadigan huquq va manfaatlariga zarar yetkazish holatlari kuzatilmoqda.
“Qolaversa, bunday shaxslarning axborot tarqatish sohasidagi huquqiy madaniyati shakllanmaganligi kelajakda ular tomonidan qonun talablarini buzib, oʻz veb-saytidan va (yoki) veb-sayt sahifasidan mamlakatning mavjud konstitutsiyaviy tuzumini, hududiy yaxlitligini zoʻrlik bilan oʻzgartirishga daʼvat etish, urush, diniy ekstremizm gʻoyalarini targʻib qilish, davlat yoki qonun bilan qoʻriqlanadigan boshqa sirni oshkor etish, fuqarolarning shaʼni va qadr-qimmatiga yoki ishchanlik obroʻsiga putur yetkazuvchi, ularning shaxsiy hayotiga aralashishga yoʻl qoʻyuvchi hamda ommaviy tartibsizliklarga daʼvat etuvchi kontentni tarqatish ehtimolini oshirmoqda”, - deyilgan xabarda.
Naruchniki - Sputnik Oʻzbekiston, 1920, 15.02.2021
Jamiyat
Ommaviy tartibsizlikka daʼvat qilganlik uchun jinoiy javobgarlik belgilanishi mumkin
Shu sababli barcha qatori axborot egalarining ham soʻz masʼuliyati va uning oqibatlari boʻyicha javobgarlikni his qilishi, boshqa shaxslarning huquqlari kafolatlanishi ham tegishlicha belgilab qoʻyilishi maqsadga muvofiqligi taʼkidlangan.
Ushbu qonunni prezident imzolasa, Jinoyat kodeksining 244-moddasiga oʻzgartirish kiritiladi.
Ushbu moddada hokimiyat vakillarining qonuniy talablariga faollik bilan boʻysunmaslikka, ommaviy tartibsizlikka va fuqarolarga nisbatan zoʻravonlik qilishga ommaviy daʼvat qilish kabi huquqbuzarlik uchun jarima yoki 2 yilgacha axloq tuzatish ishlari yoxud 3 yildan 5 yilgacha ozodlikni cheklash yoki 3 yildan 5 yilgacha ozodlikdan mahrum qilish jazosi nazarda tutilmoqda.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala