O‘zbekiston va Rossiya savdo aylanmasi hajmini 10 mlrd dollarga yetkazmoqchi

© Sputnik / Mixail KlimentyevFlagi Rossii i Uzbekistana
Flagi Rossii i Uzbekistana - Sputnik O‘zbekiston, 1920, 16.03.2021
Obuna bo‘lish
O‘zbekiston hukumati delegatsiyasi Rossiyaga tashrif buyurib, ikki tomonlama hamkorlikni yanada kuchaytirish masalalarini muhokama qildi.
TOShKENT, 16 mar — Sputnik. O‘zbekiston va Rossiya kelajakda savdo aylanmasi hajmini 10 mlrd dollarga yetkazishga tayyor. Bu haqda O‘zbekiston bosh vazirining o‘rinbosari, investitsiyalar va tashqi savdo vaziri Sardor Umurzakovning Rossiya hukumati raisining o‘rinbosari Aleksey Overchuk bilan uchrashuvi davomida ma’lum qilindi.
Uchrashuvda ikki tomonlama savdo-iqtisodiy, investitsiyaviy, sanoat, madaniy-gumanitar hamkorlikning muhim masalalari yuzasidan fikr almashildi. Ikki tomonlama munosabatlar rivojlanishining yuqori dinamikasi va ikki davlat o‘rtasidagi strategik sheriklik izchil mustahkamlanayotganligi ta’kidlandi.
Flagi stran-uchastnis YeAES i gosudarstv-nablyudateley pri soyuze - Sputnik O‘zbekiston, 1920, 16.03.2021
O‘zbekiston va YeOII
O‘zbekiston YeOII bilan investitsiyaviy hamkorlikni kengaytirishga tayyor
Uchrashuv davomida pandemiya va koviddan keyingi davrda ikki mamlakat o‘rtasidagi aloqalarning intensivligi qayd etildi. Jumladan, Hukumatlararo komissiyaning navbatdagi yig‘ilishi, videokonferensiya shaklida ikki tomonlama muzokaralar hamda turli darajadagi bir qator o‘zaro tashriflar tashkil etilgan.
Uchrashuv chog‘ida savdo-iqtisodiy va investitsiyaviy sohalardagi hamkorlikni kengaytirish borasida birgalikda olib borilayotgan ishlarning istiqbollari va joriy holati ko‘rib chiqildi.
“Tomonlar yaqin kelajakda ikki mamlakat o‘rtasidagi savdo aylanmasi hajmini 10 mlrd dollarga yetkazish maqsadida uni oshirish bo‘yicha birgalikda amaliy chora-tadbirlarni ko‘rishga sodiqligini bildirdilar”, - deyilgan xabarda.
Shu nuqtayi nazardan ikki mamlakat bojxona organlarining ikki davlat hududlari orqali yuk tashishni amalga oshirishda bojxona tartibini soddalashtirishga qaratilgan muvaffaqiyatli hamkorligi qayd etildi.
Kelishilgan loyihalarni hayotga tatbiq etishni jadallashtirish maqsadida ikki mamlakatning tegishli vazirlik va idoralari darajasida yaqin hamkorlikni davom ettirish bo‘yicha kelishuvga erishildi.
Uchrashuv yakunida O‘zbekiston-Rossiya ko‘p qirrali munosabatlarini yanada chuqurlashtirish va hamkorlikning ustuvor yo‘nalishlari bo‘yicha ikki tomonlama aloqalarni mustahkamlashga oid qator kelishuvlarga erishildi.
Yangiliklar lentasi
0