Bu yil Navro‘z qanday nishonlanadi – Maxsus komissiya qarori

© Sputnik / Ramiz BaxtiyarovPrazdnovanie Navruza v Tashkente
Prazdnovanie Navruza v Tashkente - Sputnik O‘zbekiston, 1920, 17.03.2021
Obuna bo‘lish
Yig‘ilishda so‘nggi kunlarda aholi o‘rtasida koronavirus infeksiyasi bilan kasallanish holatlari biroz ortganligi ta’kidlab o‘tildi.
TOShKENT, 17 mar — Sputnik. O‘zbekistonga koronavirusning kirib kelishi va tarqalishini oldini olish yuzasidan chora-tadbirlar dasturini tayyorlash bo‘yicha respublika maxsus komissiyasining koronavirus pandemiyasini inobatga olgan holda mamlakatda Navro‘z umumxalq bayrami tadbirlarini tashkillashtirish masalalariga bag‘ishlangan kengaytirilgan yig‘ilishi bo‘lib o‘tdi.
Yig‘ilishda so‘nggi kunlarda aholi o‘rtasida koronavirus infeksiyasi bilan kasallanish holatlari biroz ortganligi ta’kidlab o‘tildi. Shu bois mutassaddi vazirlik va idoralarga:
bayram tadbirlarini ob-havo sharoitini inobatga olgan holda ochiq joylarda, ya’ni bog‘lar, xiyobonlar va o‘yingohlarda o‘tkazish;
bayram tadbirlarida aholini ko‘p to‘plamaslik va tashrif buyuruvchilar niqobda bo‘lishlari hamda ijtimoiy masofani saqlashlari ustidan nazoratni o‘rnatish;
aholi gavjumligining oldini olish maqsadida tadbirlarni kichik hajmda mahallalarda tashkil etish choralarni ko‘rish kabi ko‘rsatmalar berildi.
Shu bilan birga, bayram tadbirlarida jamoat tartibini saqlash va xavfsizlik choralari ko‘rish maqsadida huquq tartibot organlariga tegishli topshiriqlar berildi.
Joylarda o‘tadigan bayram tadbirlarini yuqori badiiy saviyada o‘tkazish, buning uchun estrada xonandalari va teatr aktorlarini jalb etish kabi vazifalar belgilandi.
Prazdnovanie Dnya Gosudarstvennogo flaga v Tashkente - Sputnik O‘zbekiston, 1920, 16.03.2021
Toshkentda ommaviy tadbirlarni vaqtincha to‘xtatish rejalashtirilmoqda
Shuningdek, Sanitariya-epidemiologiya xizmati tomonidan aholi o‘rtasida koronavirus bilan kasallanish holatlarini barvaqt aniqlash bo‘yicha PZR laboratoriyalarning to‘liq quvvatlarda faoliyatini tashkil etish, shuningdek, koronavirus infeksiyasiga qarshi xavf osti guruhiga mansub aholi qatlamini ixtiyoriy emlash tadbirlarini tashkil etish borasida tegishli topshiriqlar berildi.
Ayrim xorijiy va qo‘shni mamlakatlarda bugungi kunda kuzatilib turgan koronavirus infeksiyasi bilan bog‘liq keskin epidemiologik vaziyatni inobatga olgan holda, mamlakatda shu kabi holatlarning qaytarilmasligi uchun keng targ‘ibot ishlarini olib borish tavsiya etildi.
Yangiliklar lentasi
0