Jamiyat

Biz JSST maxsus komissiyasi xulosasini kutayapmiz - SSV

© Sputnik / Ramiz Baxtiyarov
 - Sputnik Oʻzbekiston, 1920, 18.03.2021
Yevropa mamlakatlarida kuzatilayotgan tromboz holatlariga aynan biror vaktsina sababchi deb aytib boʻlmaydi, chunki boshqa vaqtsinadan soʻng ham ana shunday holat kuzatilgan.
TOSHKENT, 18 mar - Sputnik. Kecha AOKAda boʻlib oʻtgan matbut anjumanida Sogʻliqni saqlash vaziri oʻrinbosari Bahodir Yusupaliyev "Nega koʻp davlatlar "Astra Zeneca" vaktsinasidan bosh tortdi yoki toʻxtatib qoʻydi?" degan oʻrinli savolga javob berdi.
"Astra Zeneca" vaktsinasi bilan Yevropa Ittifoqi va Buyuk Britaniyada allaqachon 17 million kishi emlangan. Ular orasida zararli taʼsir qilgan deb baholangan holatlar milliondan bittani tashkil qiladi.
Bunda asosan tromboz holatlari (tomir ichida paydo boʻladigan qon laxtasi, tomir devoriga yopishib, qon oqimiga xalaqit beradi) kuzatildi. Yevropa mamlkatlarida birinchi navbatda 65 yoshdan yuqori aholi emlanishi koʻzda tutilgan. Tabiiyki, bu yoshdagi odamlar har qanday boshqa kasalliklarga moyil boʻladi. Bunga aynan u yoki bu vaktsina sababchi deb aytolmayman.
Masalan, xuddi shu holat "Pfizer" vaktsinasida ham kuzatilgan. Bunday nojoʻya taʼsirlar aynan vaktsina tufayli kelib chiqdi deb hech kim aytolmaydi, hatto JSST ham.
Biz JSST tarkibidagi maxsus kommisiyalarning xulosalarini kutyapmiz. Dunyoda biror vaktsina qoʻllashdan toʻxtatib turilgani — uning butunlay zararli degan xulosaga olib kelmaydi. Shunchaki hozirda uning taʼsirlari borasida chuqur oʻrganishlar olib borilmoqda, - dedi Yusupaliyev.
Maʼlumki Oʻzbekistonga 17 mart kuni AstraZeneca kompaniyasining vakitsnasi olib kelingan edi. Shu vaqtning oʻzida Yevropaning 10dan ortiq davlatlarida ushbu vaktsina bilan emlash toʻxtatib qoʻyilgani haqida xabarlar paydo boʻldi. Ushbu holat albatta aholi orasida turli xavotir va bezovtaliklar uygʻonishiga sabab boʻlmoqda.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala