Dunyoda

Tojikistondagi muzliklarning erishi Markaziy Osiyo uchun xavf tugʻdiradi – Rahmon

© AFP 2018 / KADAM MASKAYEVSarezskoye ozero v gorax Pamira. Arxivnoye foto
Sarezskoye ozero v gorax Pamira. Arxivnoye foto - Sputnik Oʻzbekiston, 1920, 19.03.2021
Tojikistondagi muzliklarning erishi Markaziy Osiyo uchun xavf tugʻdiradi - Tojikiston prezidenti Emomali Rahmon.
TOSHKENT, 19 mar — Sputnik. Tojikistondagi muzliklarning erishi Markaziy Osiyo uchun xavf tugʻdiradi, deb aytdi Tojikiston prezidenti Emomali Rahmon Barqaror rivojlanishning oltinchi maqsadiga bagʻishlangan BMT Bosh assambleyasining onlayn-yigʻilishida. Sputnik Tojikiston xabariga asosan.

"Muzning suv yuzasida ham, quruqlikda ham tez orada erishi yaqin kelajakda halokatli oqibatlarga olib kelishi mumkin. Bu jarayonning yorqin misoli Tojikistonda muzliklarning tez erishi boʻlib, Markaziy Osiyoning suv resurslarining 60 foizigacha boʻlgan qismini tashkil etadi"

Emomali Rahmon
Tojikiston prezidenti
Uning taʼkidlashicha, bugungi kunda Tojikistonda minglab kichik va oʻrta muzliklar butunlay erib, muzliklarning umumiy hajmi deyarli uch baravarga oshgan. Uning soʻzlariga koʻra, vaziyat nafaqat respublika ichida, balki mintaqaning boshqa davlatlariga ham salbiy taʼsir qiladi.
Rahmon bayonotiga koʻra, bugungi kunda koronavirus kabi yangi tahdidlar fonida toza suvdan foydalanish va sanitariya masalalari har qachongidan ham dolzarb boʻlib turibdi. Ushbu omillar barqaror rivojlanish jarayonida asosiy rolni oʻynaydi.
Prezidenti oʻz nutqida dunyo aholisining 29 foizi hali ham toza ichimlik suvidan, 55 foizi esa asosiy tibbiy xizmatlardan foydalana olmayotganini taʼkidladi.
Davlat rahbarining soʻzlariga koʻra, soʻnggi 20 yil ichida Tojikiston global rivojlanish kun tartibida suv muammolarini ilgari surish boʻyicha katta saʼy-harakatlarni amalga oshirdi.
"Ishonch bilan aytish mumkinki, Tojikistonning suv sohasidagi tashabbuslari Barqaror rivojlanish maqsadlariga, shu jumladan suv resurslari bilan bogʻliq boʻlgan maqsadlarga erishish boʻyicha aniq harakatlarni kuchaytirish va tezlashtirishga katta hissa qoʻshadi", - deb qoʻshimcha qildi prezident.
Tojikiston yetakchisi mamlakat suv bilan bogʻliq har qanday muammolarni hal qilishni davom ettirishga va iqlim oʻzgarishi kabi zamonaviy tahdidlarning oldini olishga tayyorligini taʼkidladi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala