Iqtisod

Zamonaviy yechimlar. "Taxiatosh" IES qanday modernizatsiya qilindi

© SputnikEkskursiya po Taxiatashskoy TES
Ekskursiya po Taxiatashskoy TES - Sputnik Oʻzbekiston, 1920, 19.03.2021
Yangi modernizatsiya qilingan, umumiy qiymati sal kam 700 million AQSH dollari boʻlgan "Taxiatosh" IES Qoraqalpogʻiston Respublikasi, Xorazm viloyati isteʼmolchilarini uzluksiz va sifatli elektr energiya bilan taʼminlaydi
TOSHKENT, 19 mar - Sputnik. Oʻzbekiston Energetika vazirligi tomonidan 17-18 mart kunlari Qoraqalpogʻistondagi "Taxiatosh" issiqlik elektr stantsiyasiga ikki kunlik press tur tashkil etildi va unda mahalliy va xorijiy jurnalistlar hamda blogerlar ishtirok etishdi, deb xabar bermoqda Sputnik Oʻzbekiston muxbiri.
Press turning birinchi kuni “Elektr energetika sohasini OAVda yoritishning samarali mexanizmlari” mavzusidagi seminar-trening bilan boshlandi.
Linii elektroperedachi - Sputnik Oʻzbekiston, 1920, 01.03.2021
Iqtisod
Qirgʻiziston Oʻzbekistondan elektr energiyasini import qilmoqchi
Trening davomida "Taxiatosh" issiqlik elektr stantsiyasida 230-280 MVt quvvatga ega ikkita bugʻ-gaz qurilmalarini qurish" investitsion loyihasining amalga oshirilish bosqichlari, elektr energiya ishlab chiqarish jarayoni, iqtisodiyot tarmoqlari va ijtimoiy soha obʼyektlariga sifatli va uzluksiz elektr va issiqlik energiyasi yetkazib berish tizimi, sohani OAVda yoritish printsiplari yuzasidan fikr va mulohazalar almashildi.
Issiqlik elektr stantsiyasida qurilish ishlari zamonaviy ilgʻor texnologiyalar asosida Janubiy Koreyaning Hyundai Engineering va Hyundai Engineering & Construction kompaniyalari konsortsiumi tomonidan amalga oshirilgan.
Bugungi kunda bosh pudratchi tomonidan qurilish-montaj ishlari 100 foizga bajarilgan. Oʻrnatilgan GT (gaz turbinasi) va BT (bugʻ turbinasi) asosiy uskunalari Amerikaning GE kompaniyasi tomonidan ishlab chiqarilgan.
Taxiatashskaya TES - Sputnik Oʻzbekiston, 1920, 22.02.2021
Jamiyat
Taxiatosh IES ikkinchi bugʻ-gaz qurilmasi toʻliq quvvat bilan ishga tushdi
"Taxiatosh" IES rahbari Faxriddin Xalillayev ushbu loyihaning asosiy maqsadi haqida gapirar ekan, "Qoraqalpogʻiston Respublikasi, Xorazm viloyati isteʼmolchilarini uzluksiz va sifatli elektr energiya bilan taʼminlash, elektr va issiqlik energiya ishlab chiqarish hajmini oshirish, yoqilgʻi resurslarini tejash hamda ulardan samarali foydalanishdan iborat", deya taʼkidladi.
Uning aytishicha, agar ilgari 1 kVt/soat elektroenergiyani ishlab chiqish uchun 430 gr gaz sarflangan boʻlsa, ayni vaqtda yangi texnologiyalar tufayli sarflanayotgan gaz miqdori 250 gr.ni tashkil etmoqda (gazning qariyb 40 %i tejab qolinmoqda).
Pervыy zamestitel predsedatelya Tsentralnogo banka Respubliki Uzbekistan Timur Ishmetov - Sputnik Oʻzbekiston, 1920, 17.03.2021
Davlat qarzi qayerdan kelib qayerga ketmoqda - moliya vaziri maʼlumoti
Taʼkidlash joizki, yangi joriy etilayotgan ikkita bugʻ-gaz qurilmasining ishga tushishi bilan stantsiyaning texnik-iqtisodiy koʻrsatgichlari quyidagicha boʻladi:
- stantsiyaning oʻrnatilgan quvvati 730 MVt dan 1000 MVt gacha oshadi;
- yillik ishlab chiqariladigan elektr energiya miqdori 3,0 mlrd. kVt.soatdan 3,6 mlrd. kVt. soatgacha oshadi;
- 1 kVt.soat elektr energiyasini ishlab chiqarish uchun sarflanadigan shartli yoqilgʻi miqdori 170,36gr/kVt.soatga kamayadi, bu bilan bir yilda 488,6 mln. m3 tabiiy gaz tejalishiga erishiladi;
- yillik suv sarfi 293 mln. m3ga kamayadi va yiliga 159 mln. m3ni tashkil qiladi;
- azot oksidi chiqindisi 3,5 barobar kamayadi;
- atmosferaga chiqadigan yalpi chiqindilar 5,1 barobar, yiliga 3056,674 tonnaga kamayadi;
- IES chiqindilari bilan atmosferani ifloslantirish darajasi 3,2 barobar kamayadi;
- asosiy parnik gazi - SO2 chiqindilari yiliga 972216,22 tonnaga qisqaradi;
- parrakli gradirnyada sovutiladigan texnik suv taʼminotining aylanma tizimini qoʻllash hisobiga Suuyenli kanaliga tashlanadigan termal suvlari qisqaradi.
- qoʻshimcha yangi ish joylari tashkil etilib, 100 ta ishchi va xizmatchilar ish bilan taʼminlanadi.
Ekskursiya po Taxiatashskoy TES - Sputnik Oʻzbekiston, 1920, 18.03.2021
Foto
Qoraqalpogʻistonning ikkinchi moʻʼjizasi: noyob "Taxiatosh" IESga fotosayohat
Loyihaning umumiy qiymati 678,2 million AQSH dollari boʻlib, shundan 300 million AQSH dollari Osiyo taraqqiyot bankining investitsiya mablagʻlari, 230,7 million AQSH dollari Oʻzbekiston Tiklanish va taraqqiyot jamgʻarmasining kredit mablagʻlari, 27,3 million AQSH dollar "Oʻzbekenergo" mablagʻlari va 120,2 million AQSH dollari Oʻzbekiston Respublikasining loyihani qoʻllab-quvvatlashdagi ulushi hisoblanadi.
Xalillayev jurnalistlar bilan muloqotda elektr energiyasini ishlab chiqarish mashaqqatlari haqida ham toʻxtalib oʻtdi.
"Qanday jarayonlarda ishlab chiqariladi... Bu osonmas. Qirq besh daraja sovuqda ham, jazirama issiqda ham xodimlarimiz tinim bilmay mehnat qilishadi. Juda katta mablagʻ sarf qilinadi elektr energiyasini ishlab chiqarish uchun, bu mablagʻlar xorijdan qarz sifatida olingan. Shu bois, biz elektr energiyasining qadriga yetishimiz kerak", - deb xulosa qildi "Taxiatosh" issiqlik elektr stantsiyasi rahbari.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala