Sport

Oʻzbekistonlik qilichboz Tokio Olimpiadasi litsenziyasini toʻgʻridan-toʻgʻri qoʻlga kiritdi

© Press-slujba NOK UzbekistanaUzbekskaya shpajistka Malika Xakimova zavoyevala pryamuyu litsenziyu na OI v Tokio-2020
Uzbekskaya shpajistka Malika Xakimova zavoyevala pryamuyu litsenziyu na OI v Tokio-2020 - Sputnik Oʻzbekiston, 1920, 25.03.2021
Malika Hakimova Tokio-2020 yozgi Olimpiya oʻyinlariga toʻgʻridan-toʻgʻri litsenziyani qoʻlga kiritdi/
TOSHKENT, 25 mar — Sputnik. Qilichbozlikning shpaga yoʻnalishida Oʻzbekiston terma jamoasi aʼzosi Malika Hakimova toʻgʻridan-toʻgʻri Tokio Olimpiasida litsenziyasiga ega chiqdi. Bu haqda Jismoniy tarbiya va sport vazirligi matbuot xizmati xabar qilmoqda.
Malika Hakimova Jahon kubogi hamda Osiyo kubogida muntazam ravishda ishtirok etib, jahon chempionati saralash musobaqasi yakuniy natijalariga koʻra shu sharafga muyassar boʻlgan.
Taʼkidlanishicha, Malika Hakimova 2021 yil 21-24 mart kunlari Qozon (Rossiya) shahrida boʻlib oʻtgan yakuniy saralash chempionatida qilichbozlikning shpaga turida ishtirok etgan va oʻz shaxsiy hisobiga qimmatli ochkolar yigʻishga erishgan.
Natijada Tokiodagi Olimpiya oʻyinlariga toʻgʻridan-toʻgʻri litsenziya qoʻlga kiritish uchun FIE tomonidan ruxsat etilgan jahon reytingidagi ballar yigʻindisi unga yetarli boʻlgan.
“Quvonarli jihati, ayollar oʻrtasida Olimpiya oʻyinlariga toʻgʻridan-toʻgʻri qoʻlga kiritilgan qilichbozlarimizning ushbu birinchi litsenziyasi qilichbozlik boʻyicha Oʻzbekiston tarixida ilk bor qayd etildi”, - deyilgan xabarda.
Sambo - Sputnik Oʻzbekiston, 1920, 25.03.2021
Sport
Sambo boʻyicha Jahon chempionati Moskvadan Toshkentga koʻchirildi
Malika Hakimova Navoiy shahridagi "Soʻgʻdiyona" sport kompleksida 10 yoshidan qilichbozlik bilan shugʻullana boshlagan. Uning birinchi va hozirgi murabbiyi Kudayev Ruslan. 2012 yilda Malika Respublika Olimpiya zaxiralari kollejiga oʻqishga qabul qilindi.
2013 yilda M.Hakimova kadetlar oʻrtasidagi Osiyo chempionati shaxsiy bahslarida birinchi oltin medalini, 2015 yilda oʻsmirlar oʻrtasidagi Osiyo chempionatida ikkinchi oltin medalini qoʻlga kiritdi. Shuningdek, u Qozogʻistondagi xalqaro musobaqalarda ham oltin medal sohibi boʻlgan.
2019 yilda xalqaro “Satellit” va I-Markaziy Osiyo chempionatida 1-oʻrinni egallagan.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala