Kolumnistlar

“Rossiyani jazolash”. Lavrov Rossiya-YEI munosabatlari haqida

© Sputnik / Vladimir Sergeev / Fotobankka oʻtishFlagi Rossii i Yevrosoyuza
Flagi  Rossii i Yevrosoyuza - Sputnik Oʻzbekiston, 1920, 25.03.2021
Yevroittifoqi Moskva va Bryussel “munosabatlar infrastuzilmasi”ni vayron qildi, deb hisoblaydi Tashqi ishlar vaziri Sergey Lavrov.
Anton Lisitsin. Yevroittifoqi Moskva va Bryussel “munosabatlar infrastuzilmasi”ni vayron qildi, deb hisoblaydi Tashqi ishlar vaziri Sergey Lavrov. Uning soʻzlariga koʻra, faqat ayrim davlatlar – sherik boʻlib qolgan. Biroq Rossiya aloqani qayta tiklashga tayyor, agar buni Yevropada ham xohlashsa. Diplomatlar qanday til topishga harakat qilishmoqda – RIA Novosti materialida.

Oʻzgarishsiz

Lavrov fikriga koʻra, YEIning ayrim davlatlari, milliy manfaatlaridan kelib chiqib, Moskva bilan munosabatlar davom ettirishmoqda. “Hozircha “gʻarbiy frontda hech qanday oʻzgarishlar yoʻq”, - dedi vazir. Bizda Sharqda kun tartibi qizgʻin, har yili yanada boyib bormoqda”.
Agar Yevroittifoqi nihoyat aloqalarni normal holatga keltirishga qaror qilsa, Moskva ularni tiklashga tayyor, dedi Rossiya diplomatiyasi rahbari seshanba kun.
"Albatta, biz bu munosabatlarni teng huquqlilik va manfaatlar muvozanatini izlash asosida rivojlantirishga tayyormiz", - deb qoʻshimcha qildi u. Undan avval Lavrov "zamonaviy xalqaro maydonda kimnidir jazolash umuman notoʻgʻri, Rossiya va Xitoyga bunday oʻlchov bilan murojaat qilishga urinish esa – bu shunchaki aqlsizlik", - deb taʼkidlagan edi.
Vstrecha glav MID RF i Uzbekistana S. Lavrova i A. Kamilova - Sputnik Oʻzbekiston, 1920, 23.03.2021
Dunyoda
Lavrov: Yevroittifoq bilan munosabatlar yoʻq qilingan
Bir kun avval Yevropa diplomatiyasining rahbari Jozep Borrel keskinlikning oshishida Moskvani aybladi. “Bizga Rossiya qarama-qarshilik yoʻliga oʻtib olgani tushunarli”, - dedi u YEI Kengash yigʻilishi yakunlarida. Uning soʻzlariga koʻra, “Rossiya tobora koʻproq Yevropa ittifoqidan uzoqlashmoqda”.
Borrelning soʻzlariga koʻra, yevropalik diplomatlar Rossiya bilan munosabatlarda beshta tamoyilga rioya qilishlarini yana bir bor tasdiqladilar: Minsk kelishuvlarini amalga oshirish, Yevropa ittifoqining Sharqiy sheriklar deb atalmish, yaʼni postsovet respublikalari bilan aloqalarni mustahkamlash, Moskva bilan umumiy manfaatlarni hisobga olgan holda tanlab ish olib borish, "Rossiya fuqarolik jamiyati"ni qoʻllab-quvvatlash va Yevropaning energiya xavfsizligini taʼminlash.
Borrellning bayonoti bilan rossiyaliklarga qarshi sanktsiyalar qoʻllanildi. OAV Yevropa ittifoqi Aleksey Navalniy bilan bogʻliq vaziyat yuzasidan Rossiya amaldorlariga qarshi choralar koʻrishi haqida ogohlantirgandi. “Iv Roshe” ishi boʻyicha sud unga shartli qamoq jazosini bekor qildi, sinov muddati davomida koʻplab qonunbuzarliklar tufayli uni uch yarim yil umumiy rejimdagi koloniya bilan almashtirildi.
Toʻgʻrisi, Yevropa ittifoqi kuchishlatar idora xodimlariga qarshi shaxsiy sanktsiyalar bilan cheklandi. Yevroittifoqi Kengashi Rossiya iqtisodiyotiga qarshi choralar koʻrmadi.
Shunga qaramay, Rossiya TIVning rasmiy vakili Mariya Zaxarova bu qadamni "ultimatum va boshi berk bosim oʻtkazish siyosatidan voz kechish" uchun boy berilgan imkoniyat deb atadi. "Rossiya tomoni Yevropa Ittifoqining navbatdagi nodoʻstona harakatlarini mutanosib javobsiz qoldirmaydi", - deb taʼkidladi u.
Lavrov oʻsha vaqtda Bryussel siyosatida aynan Moskvaga mos kelmaydigan narsalar haqida batafsil tushuntirish bergandi: YEI ikki tomonlama munosabatlarning "ataylab deyarli butun infratuzilmani vayron qildi". Vazir Rossiyaga nisbatan asossiz ayblovlarni ilgari surib, Ukraina hukumatining xatti-harakatlari uchun javobgar qilishni xohlashlarini eslatdi: "Yevroittifoqi Rossiya bilan aloqalarni normallashtirishni Ukraina boʻyicha Minsk kelishuvlarini amalga oshirish bilan bogʻlashda davom etmoqda, Kiyev esa ularni ochiqdan-ochiq sabotaj qilmoqda".

Rossiyaga qarshilik va tiyib turish

Aytgancha, YEIning Moskvadagi vakili Markus Ederer Borrell bilan tushlik ovqatda YEI Rossiya bilan oʻzaro muloqotida Ukraina mojarosiga haddan tashqari eʼtibor qaratganini va pozitsiyani oʻzgartirish kerakligini taʼkidlagandi. Bloomberg bu haqda xabar qildi - Yevrokomissiya matbuot xizmati hatto yigʻilishda koʻtarilgan mavzular boʻyicha izoh bermadi. Rasmiy: Yevropa tashqi ishlar idoralari rahbarlari yana "Moskva bilan munosabatlarda beshta asosiy tamoyilga rioya qilish tarafdori ekanliklarini bildirdilar". Shu bilan birga, diplomatlar "zarur boʻlgan hollarda Rossiyaga qarshilik koʻrsatish, tiyib turish va oʻzaro munosabatlar boʻyicha umumiy yondoshuvi"da birdamlik ekanliklarini bildirishdi.
Moskva Yevropa Kengashi xususida ham fikr bildirdi. Rossiya tashqi ishlar vazirining oʻrinbosari Aleksandr Grushko taʼkidlashicha, Kreml Yevropa Kengashiga aʼzo boʻlganligini qadriga yetadi, ammo buning uchun "har qanday narx" toʻlamaydi. "Bizga nisbatan stavkalarning doimiy oʻsishi – bu muvaffaqiyatsiz yoʻl ekanligi oldindan maʼlum", deb ogohlantirdi va baribir haqiqat lahzasi keladi, deb qoʻshimcha qildi.
Lavrov Rossiya va Yevropa ittifoqi oʻrtasidagi munosabatlarni kim buzganligini aytdi - Sputnik Oʻzbekiston, 1920, 24.03.2021
Video
Yevropa oʻzi Rossiya bilan munosabatlarni yoʻq qildi - Moskva qanday javob beradi?
Umuman olganda, Moskva va Bryussel oʻrtasidagi mojaro Borrell fevral oyining boshida Rossiya poytaxtidan qaytib kelganidan keyin sodir boʻldi. Oʻshanda u sanktsiyalarni qoʻllashga ruxsat berdi, chunki rossiyalik hamkasblari bilan suhbatlarda aloqa "keskinlikning yuqori darajasiga yetdi".
Darhaqiqat, na muzokaralar foni, na ularning borishi notinch edi. Mitinglarda politsiyaning qoʻpol harakatlari uchun tanqidga uchragan Rossiya tomoni Yevropa vakillariga AQSH va Yevropadagi norozilik namoyishlarining zoʻravonlik bilan tarqatilishi aks etgan videolarni taqdim etdi. Lavrov bilan tushlikda Borrel YEIning uch nafar - nemis, polyak va shved diplomati mitinglarda qatnashgani uchun Moskvadan chiqarib yuborilayotgani haqida xabar topdi.
Bu tashrif uchun Rossiya diplomatiyasining rahbari Yevropada tanqidga uchradi. Anʼanaviy tarzda sobiq SSSR respublikalari vakillari keskin chiqish qilishdi.
Xususan, Yevropa parlamentida xalq partiyasi fraktsiyasidan, Latviyaning sobiq tashqi ishlar vaziri Sandra Kalniyete u Navalniy bilan uchrashmaganligi va Lavrov bilan oʻtkazilgan matbuot anjumanida ishtirok etgani uchun Borrelni aybladi. "Lavrov oʻz qoidalari bilan oʻynadi va xohlagan narsasini oldi", - deydi anonim yevropalik diplomat, The Telegraph gazetasi uning soʻzlaridan iqtibos keldiradi.
Rossiya TIV MGIMO integratsion jarayonlar boʻlimi boshligʻi Nikolay Kaveshnikov taʼkidlaydi: Rossiya va Yevropa Ittifoqi oʻrtasidagi munosabatlar "90-yillarning boshidan beri eng past darajada". "Kreml nuqtai nazaridan javobgarlik Yevropa Ittifoqida: Qrim, Donetsk va Lugansk viloyatlarining ayrim hududlaridagi voqealardan keyin va u sanktsiyalarni joriy qildi va hanuzgacha Rossiyaning xalqaro maydondagi harakatlariga oʻz munosabatini bildirishda ulardan foydalanmoqda".
Kaveshnikov YEI qarashini ham ochib beradi: "Ularning fikriga koʻra, 2014 yilda Rossiya xalqaro huquq normalariga qarshi chiqdi va "zararli faoliyatni" davom ettirmoqda. Bryusselda Kremlning koʻplab qadamlari majburiyatlarni buzish deb hisoblanadi".
Denejnыe kupyurы - Sputnik Oʻzbekiston, 1920, 22.03.2021
Rossiya
Rossiya SWIFTdan uzib qoʻyiladimi – Kreml izohi
Tafovutlar aniqlab olindi, biroq tomonlar oʻz pozitsiyalari yaqinlashtirishmadi.
"YEIning tashqi siyosat masalalari boʻyicha fikri – bu asosiy davlatlarning taʼsiri qolganlarga qaraganda yuqori ekanligini hisobga olgan holda davlatlarning oʻrtacha qarashlari. Yevroittifoqida Rossiya bilan munosabatlarning buzilishini toʻxtatishdan manfaatdor kuchlar bor, hech boʻlmaganda biznesga toʻsqinlik qiladigan joyda toʻxtatish uchun. Ammo Mogerinining beshta tamoyilini ishlab chiqib Yevropa Ittifoqi bu minimal konsensusga erishdi. Ular boshqa narsa oʻylab topa olishmayapti", - deydi Kaveshnikov.
Uning soʻzlariga koʻra, milliy hukumatlar bilan aloqalarni rivojlantirish - hozirgi paytda amalga oshirish mumkin boʻlgan yagona narsa. Ammo iqtisodiyot, investitsiya va hattoki tashqi siyosatning koʻplab masalalari millatlararo darajada hal qilinadi va manevr qilish uchun joy cheklangan.
Siyosatshunos, tarix fanlari nomzodi Andrey Suzdaltsev YEI va umuman Gʻarb davlatlarining Rossiya bilan qarama-qarshiligi maʼlum bir algoritm asosida rivojlanib borayotganini taʼkidlaydi.
"Bir muncha vaqt oʻtgach, sanktsiyalarni kiritish sabablari unutiladi, sezgi xiralashadi, demak yangi yorqin sabab topish kerak. Masalan, ikki marta kimnidir “Novichok” bilan zaharlashdi, ammo oxirigacha emas. Hammasi tushunarli: Moskva, kimyoviy qurol ishlatdi va shunchaki kimyoviy emas, balki ommaviy qirgʻin qiladigandan".
Uchastniki shestviya latыshskogo legiona Vaffen SS v Rige. - Sputnik Oʻzbekiston, 1920, 18.03.2021
Analitika
AQSH razvedkasi Latviya SS shafqatsiz jallodlarini yollagan - doklad
"Bu biz uchun gʻalati, - deb davom etadi siyosatshunos. "Solsberining yarmi kimyoviy quroldan oʻlib ketishi aniq, ammo gʻarblik odam buni xazm qiladi. Shuning uchun ular “notoʻgʻri Rossiya jazolashlarini” namoyish qilmoqda. Aynan shu sababga koʻra, bizning javob choralarga “gap qaytarishga qanday jurʼat etdinlar” degan ruhda gʻazablanishga sabab boʻlmoqda.
Bahonalar soni asta-sekin kamayib bormoqda - va bu kun tartibini buzadi, deb hisoblaydi Suzdaltsev. Qaysidir maʼnoda tomonlar oʻtib boʻlmaydigan qizil chiziqlarga yaqinlashdi. "Biz 90- yillardan buyon munosabatlarning eng past darajasida turibmiz, lekin bizda juda koʻp aloqalar mavjud - iqtisodiy, ijtimoiy, texnologik.
Muloqot shu ruhda davom etishi mumkin: Rossiya nimadir uchun aybdor davlat sifatida namoyish etiladi, uni tarbiyalashadi. Amaliy maqsad esa bitta: biz bozorga taklif qilayotgan narsamizning narxini pasaytirish. "Biz sizlardan jirkanamiz" kabi. Bunga ergashishning hojati yoʻq, bu barqarorlik va xavfsizlikni qoʻshmaydi", - deb xulosa qildi ekspert.
Uning fikriga koʻra, aslida esa Yevropada kamdan kam kishilarni ayblovlarning dalillariga qiziqtirishi ayon boʻlganda muloqot tugadi. Moskva Bryusselda hamma tinchlanib, sovishini kutish chorasi qoladi, chunki Rossiya ichida qilinishi kerak boʻlgan ishlar yetarli.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala