Roʻyxatdan oʻtish muvaffaqiyatli boʻldi!
Iltimos, ga joʻnatilgan xatdagi havolaga oʻting
Jamiyat

Oʻzbek-qozoq chegarasidagi tirbandlikka nima sabab boʻldi

© Sputnik / Valeriy Melnikov / Fotobankka oʻtishMamontovskiy tamojennыy post Щelkovskoy tamojni
Mamontovskiy tamojennыy post Щelkovskoy tamojni - Sputnik Oʻzbekiston, 1920, 01.04.2021
Senat Oʻzbekiston va Qozogʻiston chegarasidagi vaziyatga munosabat bildirdi.
TOSHKENT, 1 apr — Sputnik. Oliy Majlis Senati Oʻzbekiston va Qozogʻiston chegarasidagi vaziyatga munosabat bildirdi va uning yuzaga kelish sabablarini sanab oʻtdi.
Shu kunlarda ijtimoiy tarmoqlarda Qoraqalpogʻiston Respublikasi bojxona boshqarmasi tasarrufidagi “Daut-ota” chegara bojxona postidagi tirbandlik keng muhokama qilinmoqda.
Mazkur holatni Senatning Mudofaa va xavfsizlik masalalari qoʻmitasi oʻrgangan.
Aniqlanishicha, tirbandlikka Turkmanistonda karantin kuchaytirilgani sabab boʻlgan. Turkmaniston hududi orqali avtotransport vositalarining harakati cheklanganligi sababli ular Oʻzbekiston – Qozogʻiston – Rossiya – Gruziya - Turkiya yoʻnalishida harakatlanmoqda.
Furы vыstroilis v ochered na granitse - Sputnik Oʻzbekiston, 1920, 05.04.2019
Iqtisod
Qozogʻistonda Oʻzbekiston bilan chegaradagi tirbandlik sababini maʼlum qilishdi
Havo haroratining keskin pasayib ketishi ham bu tirbandlikni keltirib chiqargan. Qozogʻistonning Aktobe viloyati Irgiz qishlogʻi orqali oʻtuvchi yoʻl muzlagan.
Shuningdek, Rossiyaning janubiy viloyatlariga yukni yetkazib beruvchi tashuvchilar uchun “Daut-ota” chegara bojxona posti orqali harakatlanish qulay boʻlgan.
Tashqi savdo yuklarini tashuvchi tomonlar avtotransport vositalari uchun qulaylik va yengilliklar yaratilganligi sababli Turkiya davlati hududi orqali Oʻzbekiston tashuvchilarining harakatlanishi koʻpaygan. Ikki mamlakat oʻrtasida tegishli kelishuv mavjud.
"Oʻzbekiston hududiga kirib kelayotgan avtotransport vositalari bojxona postida belgilangan muddatlarda qoʻshimcha vaqt talab qilmagan holda bojxona koʻrigidan oʻtkazilmoqda”, - deyilgan Senat xabarida.

Tirbandlikni bartaraf etish uchun nimalar qilinmoqda?

Oʻzbekiston va Qozogʻiston hukumatlari faol muzokaralar olib bormoqda.
Davlat bojxona qoʻmitasi rahbariyati darajasida har hafta, masʼul boshqarmalari darajasida har kuni, bojxona posti darajasida har ikki soatda muloqot qilinmoqda.
Vaziyatni Senatning Mudofaa va xavfsizlik masalalari qoʻmitasi ham nazoratga olgan.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala