Iqtisod

Markaziy Osiyoda eng yirik: Oʻzbekistondagi SHES quvvati yanada oshadi

© Sputnik / Aleksey PavlishakVetrogeneratorы
Vetrogeneratorы - Sputnik Oʻzbekiston, 1920, 02.04.2021
“Masdar” kompaniyasi shamol elektr stantsiyasi quvvatini 1,5 GTtga oshiradi.
TOSHKENT, 2 apr — Sputnik. Birlashgan Arab Amirliklarining (BAA) “Masdar” kompaniyasi tomonidan Oʻzbekistondagi shamol elektr stantsiyalari boʻyicha oʻz loyihasi quvvatini 1,5 GVtgacha oshirish boʻyicha kelishuvni imzoladi, deb xabar qildi Energetika vazirligi matbuot xizmati.
Toshkentda 1 aprel kuni Markaziy Osiyoda eng yirik shamol parki qurilishiga doir qaror qabul qilishga bagʻishlangan tadbir boʻlib oʻtdi. Unda videomurojaat bilan Bosh vazir oʻrinbosari Sardor Umrzakov, Energetika vaziri Alisher Sultanov, BAAning iqlim oʻzgarishi boʻyicha maxsus elchisi hamda sanoat va ilgʻor texnologiyalar vaziri doktor Sulton Ahmad Al Jobir, BAA Energetika va infratuzilma vaziri YE. Suxayl Al Mazruyey ishtirok etdi.
Ekskursiya po Taxiatashskoy TES - Sputnik Oʻzbekiston, 1920, 18.03.2021
Foto
Qoraqalpogʻistonning ikkinchi moʻʼjizasi: noyob "Taxiatosh" IESga fotosayohat
Loyiha quvvatini kengaytirish toʻgʻrisidagi kelishuv investor - Masdar kompaniyasi bosh direktori Muhammad Jamil Al Ramohiy va Oʻzbekiston tomonidan A.Sultanov imzoladi.
2020 yilda “Masdar” kompaniyasi Oʻzbekiston hukumati bilan quvvati 500 megavatt (MVt) boʻlgan shamol elektr stantsiyasi, mamlakatda toza energiya sohasidagi ikkinchi keng koʻlamli loyiha va Markaziy Osiyodagi eng yirik shamol elektr stantsiyasi loyihasini ishlab chiqish, qurish va ekspluatatsiya qilish boʻyicha ikki tomonlama kelishuvlar imzoladi. Loyiha 600 million dollardan ortiq toʻgʻridan-toʻgʻri xorijiy investitsiyalarni jalb qiladi.
Yangi kelishuv imzolanishi bilan Navoiy viloyatining Zarafshon tumanida joylashadigan loyiha quvvati 1,5 GVtga oshdi, bu kelgusida Oʻzbekistonga 2030 yilga borib shamol elektr stantsiyalari (SHES) hisobiga 3 GVtgacha elektr energiyasi ishlab chiqish boʻyicha maqsadlariga erishishga yordam beradi.
Zarafshondagi quvvati 500 MVt boʻlgan SHES 2024 yil oxiriga kelib ishga tushirilishi rejalashtirilmoqda. Mazkur quvvat hisobiga SHES 500 000 ta uy-joy taʼminoti uchun yetarli boʻlgan elektr energiyasi hajmini ishlab chiqish imkoniyatiga ega boʻladi. Bu shuningdek, atmosferaga yiliga 1,1 mln tonnagacha karbonat angidrid gazi chiqarilishining oldini olishga yordam beradi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala