Namanganda maxsus bog‘chada issiq suvdan kuygan olti yoshli bola vafot etdi

© Sputnik / Aleksandr Krajev / Mediabankka o‘tishEmblema Mejdunarodnoy organizatsii Krasnogo kresta na avtomobile "skoroy pomoshi"
Emblema Mejdunarodnoy organizatsii Krasnogo kresta na avtomobile skoroy pomoshi - Sputnik O‘zbekiston, 1920, 05.04.2021
Obuna bo‘lish
U.H. 2019-yil 27-fevralidan mazkur bolalar bog‘chasida aqliy rivojlanishning orqada qolishi tashxisi bilan tarbiyalanayotgan bo‘lgan.
TOShKENT, 5 apr — Sputnik. Namangan viloyati Davlatobod tumanidagi maxsus bog‘cha tarbiyalanuvchisi qattiq kuyish oqibatida vafot etdi.
Viloyat prokuraturasi xabariga ko‘ra, hodisa tumandagi 31-sonli ko‘p tarmoqli ixtisoslashtirilgan maktabgacha ta’lim muassasasida 2021-yil 5-fevral kuni ro‘y bergan. Olti yoshli U.H. issiq suv jo‘mragini ochib yuborgan va ehtiyotsizligi oqibatida 2-darajali 65 foiz kuyish tan jarohati olgan. Natijada u viloyat ko‘p tarmoqli bolalar shifoxonasiga yotqizilgan.
U.H. 2019-yil 27-fevralidan mazkur bolalar bog‘chasida aqliy rivojlanishning orqada qolishi tashxisi bilan tarbiyalanayotgan bo‘lgan. Bolakay kuyish oqibatida 24-fevral kuni vafot etgan.
Noviy detskiy sad otkrili v Sergeliyskom rayone Tashkenta - Sputnik O‘zbekiston, 1920, 24.01.2021
“O‘lik jonlar” ortidan 983,5 mln so‘mni o‘margan bog‘cha mudirasining kirdikorlari fosh bo‘ldi
Namangan viloyat STEBning 24-fevral kungi 70-sonli xulosasida marhum U.H.ning o‘limi qaynoq suvdan bosh, yuz va tananing boshqa qismlari 2, 3-darajali 70 foiz kuyishi asorati natijasida poliorgan yurak qon-tomir yetishmovchiligi natijasida yuz bergani va murda tanasida kuyishdan boshqa tan jarohatlari aniqlanmagani ko‘rsatilgan.
Xabarda bildirilishicha, mazkur holatga tergov yo‘li bilan baho berish zaruriyati tug‘ilgan. Shu bois Jinoyat kodeksining 116-moddasi 3-qismi (Kasb yuzasidan o‘z vazifalarini lozim darajada bajarmaslik odam o‘lishiga sabab bo‘lsa), 207-moddasi 1-qismi (mansabga sovuqqonlik bilan qarash badanga o‘rtacha og‘ir yoki og‘ir shikast yetkazilishiga sabab bo‘lsa)bilan jinoyat ishi qo‘zg‘atgan.
Viloyat prokuraturasi tergov harakatlarini olib bormoqda.
Yangiliklar lentasi
0