Perm oʻlkasi va Fargʻona viloyati turizm sohasida qator kelishuvlarga erishdi

© Flickr / t_y_lPamyatnik v Fergane
Pamyatnik v Fergane - Sputnik Oʻzbekiston, 1920, 05.04.2021
Perm oʻlkasi va Fargʻona viloyati bitim doirasida turizm sohasida qator ishlarni amalga oshirishni rejalashtirmoqda.
TOSHKENT, 5 apr — Sputnik. Toshkentda boʻlib oʻtayotgan “INNOPROM” xalqaro sanoat koʻrgazmasi doirasida Rossiyaning Perm oʻlkasi hukumati va Oʻzbekistonning Fargʻona viloyati hokimiyati oʻrtasida ikki tomonlama hamkorlik toʻgʻrisida bitim imzolandi, deb xabar qilmoqda Sputnik muxbiri.
Ushbu bitim bilan 2021-2022 yillarda Fargʻona viloyati hamda Perm oʻlkasi oʻrtasida savdo-iqtisodiy, ilmiy-texnikaviy, gumanitar va boshqa sohalarda amalga oshiriladigan hamkorlikdagi loyihalar va tadbirlar boʻyicha bitimga ilova shaklida chora-tadbirlar rejasi tasdiqlandi.
Jumladan, turizm sohasida qator ishlarni amalga oshirish moʻljallangan: 2021-2022 yillarda sayyohlik mahsulotlari toʻgʻrisidagi namoyish materiallari bilan oʻzaro almashish, ikki tomon turoperatorlari uchun tur tashkil etish hamda otelyerlar forumini tashkil etish.
Bu ishlarni amalga oshirish Perm oʻlkasi turizm va yoshlar siyosati agentligi va Fargʻona viloyati turizmni rivojlantirish boshqarmasi zimmasiga yuklangan.
Perm i Fergana podpishut soglasheniye o mnogostoronnem sotrudnichestve - Sputnik Oʻzbekiston, 1920, 05.04.2021
Perm oʻlkasi va Fargʻona viloyati oʻzaro hamkorlik shartnomasi imzolaydi
Eslatib oʻtamiz, 5 aprel kuni Toshkent shahrida “INNOPROM. Oʻzbekistonda katta sanoat haftaligi” xalqaro sanoat koʻrgazmasi oʻz ishini boshladi. Unda dunyoning 20 mamlakatidan 300 dan ortiq kompaniyalar qatnashmoqda. Koʻrgazma dasturi doirasida 15 ga yaqin keng qamrovli tadbirlar va 200 dan ortiq biznes-uchrashuvlar tashkil etish rejalashtirilgan.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala