Rossiya banki Oʻzbekistonda GESlar qurilishini moliyalashtiradi

© Uzbekgidroenergo"Roseksimbank" i "Uzbekgidroenergo" podpisali soglasheniye
Roseksimbank i Uzbekgidroenergo podpisali soglasheniye  - Sputnik Oʻzbekiston, 1920, 07.04.2021
Roseksimbank Oʻzbekistonda bir necha kichik GESlar qurish uchun mablagʻ ajratdi. Shartnomaning umumiy qiymati 340 mln. dollarni tashkil qildi.
TOSHKENT, 7 apr - Sputnik. Rossiyaning “Roseksimbank” AJ va “Oʻzbekgidroenergo” AJ tomonidan Toshkent va Namangan viloyatlarida kichik GESlar qurilishini moliyalashtirish toʻgʻrisida shartnoma imzolandi.
Toshkent viloyatining Boʻstonliq tumanida Pskem daryosida 140 MVt quvvatga ega “Mullalak” GESini, Namangan viloyatidagi katta Andijon kanalida quvvati 51 MVt boʻlgan kichik GESlar kaskadi, yaʼni Kugay-1, Kugay-2, Beshqoʻrgʻon-1 va Beshqoʻrgʻon-2 kichik GESlarni moliyalashtirish boʻyicha kelishuvga erishildi, - deyilgan xabarda.
Kredit shartnomasining umumiy qiymati 340 mln. dollarni tashkil qiladi.
Ikki tomonlama boʻlib oʻtgan uchrushuvda Rossiya Federatsiyasining “Roseksimbank” AJ Boshqaruvi raisi Azer Talыbov hamda Jamiyat Boshqaruvi raisi Abdugʻani Sanginov sohada amalga oshirilayotgan islohotlar borasida oʻzaro fikr almashdilar.
Eslatib oʻtamiz, 5-7 aprel kunlari Toshkentda Rossiya va Oʻzbekiston tomonidan tashkil qilingan "Innoprom 2021" xalqaro sanoat yarmarkasi boʻlib oʻtmoqda. Unda dunyoning 20dan ortiq mamlakatidan kelgan 300ga yaqin korxonalar taqdim etilgan. Koʻrgazmaning ilk kunidan boshlab Oʻzbekiston va Rossiya kompaniyalari orasida qator shartnomalar imzolandi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala