Jamiyat

Oʻzbekistonda emlashdan soʻng 71 nafar fuqaroda nojoʻya taʼsirlar kuzatildi - tafsilotlar

© Sputnik / Vladimir Pesnya / Fotobankka oʻtishVaktsinatsiya ot COVID-19
Vaktsinatsiya ot COVID-19  - Sputnik Oʻzbekiston, 1920, 08.04.2021
Sanepid xizmat maʼlumotlariga muvofiq, umumiy qayd etilgan nojoʻya taʼsirlarni 45,7%ida tana haroratining 37,5 gradusdan birmuncha oshishi kuzatilgan.
TASHKENT, 8 apr — Sputnik. Oʻzbekistonda ommaviy vaktsinalash boshlangan birinchi haftada 71 kishida nojoʻya taʼsirlar kuzatilgan.

"Bugungi kunga qadar qayd etilgan nojoʻya taʼsirlar soni 71tani tashkil etdi", — deya maʼlum qildi brifing davomida Sanitariya-epidemiologik osoyishtalik va jamoat salomatligi xizmati boshligʻi oʻrinbosari Nurmat Otabekov

Sanepid xizmat maʼlumotlariga muvofiq, umumiy qayd etilgan nojoʻya taʼsirlarni 45,7%ida tana haroratining 37,5 gradusdan birmuncha oshishi kuzatilgan. 21,2% holatda esa emlanganlar tanasida ozgina ogʻriq paydo boʻlgan, 14,1 % emlanganlar emlanganlarda emlanish joyida qichish paydo boʻlganiga guvoh boʻlishgan, 11,2 % holatda emlangan joyda ogʻriq paydo boʻlganligi kuzatilgan, 2,7 % holatda emlanganlar orasida asabiylashish, holsizlanish, qoʻrqish kabi belgilar kuzatilgan.
Umumiy emlanganlarning orasida birorta ham jiddiy asorat kuzatilmagan, deya alohida qayd etdi Otabekov.
Stoletniy starik privilsya ot koronavirusa v Samarkande - Sputnik Oʻzbekiston, 1920, 03.04.2021
Jamiyat
Samarqandda 100 yoshli otaxon koronavirusga qarshi emlandi
Otabekovning maʼlum qilishicha, 2021 yilning 6 aprel holatiga koʻra, Oʻzbekiston boʻyicha 49 602 nafar fuqarolar koronavirus kasalligiga qarshi emlangan. Koronavirusga qarshi emlangan aholining 29 860 nafari AstraZeneca vaktsinasini qabul qilgan, 19742 nafari Oʻzbekiston-xitoy hamkorligida ishlab chiqarilgan ZF-UZ-VAC2001 bilan emlangan.
Oxirgi bir kunning oʻzida Oʻzbekistonda 14 216 nafar shaxs koronavirusga qarshi vaktsinatsiyani birinchi bosqichini qabul qilgan.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala