Jamiyat

Nega Rossiyaga aviachiptalarni topib boʻlmayapti– Transport vazirligi izohi

© AFP 2018 / ARMANDO BABANIAeroport
Aeroport - Sputnik Oʻzbekiston, 1920, 10.04.2021
Taʼkidlanishicha, transport vazirligi Rossining tegishli vazirlik va idoralari bilan epidemiologik vaziyatdan kelib chiqqan holda muntazam aviareyslar sonini koʻpaytirish boʻyicha muzokaralarni davom ettirmoqda
TOSHKENT, 10 apr – Sputnik. Transport vazirligi matbuot-xizmati Toshkent – Moskva yoʻnalishidagi muntazam aviqatnovlar va chipta narxlari yuzasidan rasmiy izoh berdi.
Rossiya Federatsiyasi hududiga koronavirus infektsiyasi kirishi va tarqalishining oldini olish boʻyicha Tezkor shtabining 25 mart kuni oʻtkazgan yigʻilishda bir qator mamlkatlar bilan muntazam aviaqatnovlarni tiklash yuzasidan qaror qabul qilingan edi.
Samolet aviakompanii Uzbekiston xavo yullari - Sputnik Oʻzbekiston, 1920, 07.04.2021
Jamiyat
“Uzbekistan Airways” Moskvaga muntazam parvozlar tiklanganini eʼlon qildi
Mazkur qarorga muvofiq joriy yilning 1 aprel sanasidan eʼtiboran Rossiya Federatsiyasi hamda Oʻzbekiston Respublikasi oʻrtasida muntazam aviaqatnovlar haftasiga bir marotaba amalga oshirilishiga ruxsat etildi.
Ikki mamlakat aviatsiya maʼmuriyatlari oʻrtasidagi kelishuvga binoan Rossiyaning "Aeroflot" aviakompaniyasi 2021 yil 5 aprel sanasidan har yakshanba kunlari Moskva – Toshkent – Moskva yoʻnalishida, "Uzbekistan airways" avikompaniyasi esa 7 aprel sanasidan haftaning har shanba kunlari Toshkent – Moskva – Toshkent yoʻnalishida muntazam parvozlarni amalga oshirishga kirishdi.
Mazkur reysga Oʻzbekistonning barcha fuqarolari va Rossiyaga kirishga cheklov qoʻyilmagan Oʻzbekistonda doimiy yashash huquqiga ega chet el fuqarolari kiritilishi mumkin.
Ushbu yoʻnalish boʻyicha uchish uchun Rossiyaga kelishdan avval 3 kalendar kunidan oshmagan holda PTSR-test (rus yoki ingliz tilida) oʻtkazish talab qilinadi.
Tsentr sodeystviya migrantam  - Sputnik Oʻzbekiston, 1920, 07.04.2021
Migratsiya
Rossiyada migrantlar uchun 3ta asosiy maqom joriy etiladi
Ayni damda aholi vakillaridan mazkur yoʻnalishdagi muntazam qatnovlarga chiptalarning sotuvda qolmaganligi bilan bogʻliq koʻplab murojaatlar kelib tushmoqda. Shuningdek, mazkur masala ijtimoiy tarmoqlarda ham keng muhokama qilinmoqda.
Ushbu vaziyat yuzasidan Oʻzbekiston Respublikasi Transport vazirligi quyidagilarni maʼlum qiladi.
Aynan Rossiyaga Oʻzbekistondan boruvchi yoʻlovchilar oqimining haddan tashqari koʻpligi, bugungi epidemiologik vaziyat tufayli transportning boshqa turlarida qatnovlarning amalga oshirilishiga ruxsat etilmaganligi, aviaqatnovlar sonining ham cheklanganligi talab va taklif oʻrtasidagi nomutanosiblikning keskin ortib ketishiga sabab boʻlmoqda.
Pandemiyagacha boʻlgan davrda Oʻzbekictonning turli hududlaridan Rossiya Federatsiyasiga “Uzbekistan airways” avikompaniyasi haftasiga 87 ta reys bajargan boʻlsa, Rossiya aviakompaniyalari esa Oʻzbekistonning turli shaharlariga haftasiga 97 reys amalga oshirgan. Faqatgina aviaqatnovlar orqali haftasiga 40 000 dan ortiq yoʻlovchilarga xizmat koʻrsatilgan. Bundan tashqari Toshkent – Moskava, Andijon – Moskva, Toshkent – Qozon, Toshkent – Volgograd, Toshkent – Saratov, Toshkent – Novosibirsk, Toshkent – Ufa, Andijon – Ufa yoʻnalishlarida muntazam ravishda haftasiga 13 ta poyezd qatnovlari amalga oshirilgan. Shu bilan birga Toshkent – Moskva, Toshkent – Sankt-Peterburg, Toshkent – Qozon, Toshkent – Nijniy Novgorod, Toshkent – Omsk, Toshkent – Novosibirsk yoʻnalishlarida haftasiga 12 marotabadan avtobus qatnovlari amalga oshirib kelingan.
Vыdacha pervыx patentov v Yedinom migratsionnom tsentre Moskovskoy oblasti - Sputnik Oʻzbekiston, 1920, 04.04.2021
Migratsiya
Moskvada migrantlar uchun patent elektron boʻlishi mumkin
Aynan yuqorida keltirib oʻtilgan koʻrsatkichlarning oʻzi haftasiga bor yoʻgʻi bir marotaba amalga oshirilayotgan muntazam aviqatnovlarga chiptalarning nima uchun ayni damda sotuvda qolmaganligiga izoh boʻla olishi mumkin. Turli transport qatnovlaridan foydalangan yoʻlovchilarning barchasi hozirda oʻrnatilgan cheklov choralari sabab faqatgina aviqatnovlar orqaligina safarni amalga oshirishga majbur boʻlmoqda.
Aviachipta narxlarini sunʼiy ravishda oshirib sotish maqsadida, Uzbekistan airways kompaniyasi agentlari tomonidan chiptalarni oldindan sotib olinganligi toʻgʻrisida ijtimoiy tarmoqlarda tarqatilayotgan daʼvolar esa mutlaqo asossiz, deb taʼkidlaydi Transport vazirligi axborot xizmati.
"Uzbekistan airways aviakompaniyasi rahbariyati eng quyi pogʻonadagi xodimlardan tortib, yuqori lavozimlardagi rahbarlarning ham aviachipta sotuvlari bilan bogʻliq turli-tuman koʻrinishdagi noxolis hatti-harakatlarni sodir etishlariga nisbatan toqatsiz munosabatda ekanligini, chipta sotuvlari bilan bogʻliq barcha jarayonlar shaffof tarzda amalga oshirilishi ustidan nazorat oʻrnatilganligini maʼlum qiladi", - deyiladi Transport vazirligi izohida.
Uzbekistan airways aviakompaniyasi tomonidan Toshkent – Moskva yoʻnalishida bajarilayotgan muntazam aviaqatovlar ekonom klass chipta narxi bir tomonga 4 200 000 soʻmgacha, biznes klass chipta narxlari esa 10 736 222 soʻmgacha sotilmoqda.
Shu oʻrinda yoʻlovchilardan tushunmovchiliklarning oldini olish uchun chiptalarni tezlashtirib xarid qilish xizmatlarini taklif qiluvchi shubhali shaxslarga murojaat etmasligini soʻralgan. Chiptada koʻrsatilgan va oʻzi toʻlagan narxni taqqoslash tavsiya etiladi.
Prestupnik za reshetkoy - Sputnik Oʻzbekiston, 1920, 23.03.2021
Hodisalar
Buxoroda 17 kishiga Moskvaga soxta aviachipta sotgan firibgarlar qoʻlga olindi
Bundan tashqari hozirda ijtimoiy tarmoqlarda Rossiga Oʻzbekistonning turli hududlaridan charter qatnovlari amalga oshirilishi toʻgʻrisidagi yolgʻon xabarlar tarqatilib, fuqarolarga aldov va tovlamachilik yoʻli bilan chiptalar sotuvini tashkil etayotgan guruhlarning faollashgani kuzatilmoqda.
Oʻzbekiston Transport vazirligi fuqarolardan bu kabi yolgʻon xabarlarga ishonib, aldanib qolishlarining oldini olish maqsadida charter reyslarini amalga oshiruvchi avikompaniyalarning parvozni bajarishiga ruxsat etilgani toʻgʻrisidagi maʼlumotlarni Fuqaro aviatsiyasi agentligi rasmiy veb-saytidan aniqlashtirib olishlarini tavsiya etadi.
Maʼlum qilinishicha, Transport vazirligi Rossiyaning tegishli vazirlik va idoralari bilan epidemiologik vaziyatdan kelib chiqqan holda muntazam aviareyslar sonini koʻpaytirish boʻyicha muzokaralarni davom ettirmoqda.
Barqaror epidemiologik vaziyat saqlanib turgan taqdirda nafaqat aviaqatnovlarni balki temir yoʻl qatnovlarini qayta tiklash boʻyicha barcha choralar koʻrilmoqda.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala