Jamiyat

Qashqadaryoda eshak qassoblari qoʻlga olindi

© Sputnik / Vladimir Astapkovich / Fotobankka oʻtishMyaso
Myaso - Sputnik Oʻzbekiston, 1920, 10.04.2021
Eshak soʻyilgan xonadondan 20 dona tirik eshaklar ichki ishlar organlari xodimlari tomonidan aniqlanib, tegishli tartibda hujjatlashtirib olingan
TOSHKENT, 10 apr — Sputnik. Qashqadaryoda uyida eshak soʻyib sotayotgan shaxslar aniqlandi, deb xabar berdi viloyat IIB.
Xabarda aytilishicha, 5 aprel kuni viloyat IIB xodimlarining tezkor saʼy-harakatlari natijasida Qarshi shahridagi Arabxona mahallasida yashovchi fuqaro X.SH.ning xonadonida fuqaro X.J. tomonidan eshak soʻyilayotgani aniqlangan.
Tekshiruv davomida xonadondan boʻgʻizlangan eshaklar va uning ajratilgan terilari, xonalardan birida esa eshak goʻshti deb gumonlangan soʻyilgan lahm goʻsht mahsulotlari, 20 dona tirik eshaklar ichki ishlar organlari xodimlari tomonidan aniqlanib, tegishli tartibda hujjatlashtirib olingan.
Uzbekskaya valyuta - sum - Sputnik Oʻzbekiston, 1920, 31.03.2018
Analitika
"Pulning hidi boʻlmaydi"mi yoxud eshak goʻshti sotuvchilariga xat
Surishtiruv davomida fuqaro eshaklarni sotish uchun soʻyganini aytgan.
Qarshi shahar veterinariya va chorvachilikni rivojlantirish boʻlimida olib qoʻyilgan lahm goʻsht mahsulotlari yaroqli yoki yaroqsizligini aniqlash maqsadida ekspertiza tayinlangan. Boʻlimning Oziq-ovqat mahsulotlari xavfsizligi mikrobiologiya veterinariya-sanitariya ekspertiza laboratoriyasi tomonidan berilgan ekspertiza xulosasida goʻsht mahsulotlari isteʼmolga yaroqsizligi aytilgan.
Natijada lahm goʻsht va terilar belgilangan tartibda yoʻq qilingan.
Mazkur holat yuzasidan tergovga qadar surishtiruv ishlari olib borilmoqda. Holat yuzasidan oʻtkazilayotgan tekshiruv natijalariga koʻra, qoʻshimcha maʼlumot eʼlon qilinadi, deyiladi xabarda.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala