Jamiyat

Oʻzgidromet hafta davomida kutilayotgan ob-havo haqida maʼlumot berdi

© Sputnik / Ramiz BaxtiyarovPloщad Drujbы narodov
Ploщad Drujbы narodov - Sputnik Oʻzbekiston, 1920, 12.04.2021
Haftaning ikkinchi yarmida respublikaning barcha hududlarida kunduz kuni 22-27° iliq boʻladi.
TOSHKENT, 12 apr — Sputnik. Haftaning birinchi yarmida Oʻzbekiston hududidagi ob-havo sharoitini markazi Qozogʻistonning janubiy hududlari ustida joylashgan yuqori tsiklon belgilaydi, deb xabar qildi Oʻzgidromet.
13 aprel kuni Surxondaryo viloyatida momaqaldiroq bilan biroz yomgʻir yogʻishi mumkin. Ushbu kunlarda havo harorati kechalari 5-10° iliqni, kunduz kunlari 17-22° iliqni tashkil etadi.
14 aprel kuni respublikaning markaziy hududlarida beqaror ob-havo boʻlishi kutilmoqda. Toshkent, Samarqand, Jizzax, Sirdaryo viloyatlari boʻyicha baʼzi joylarda qisqa muddatli yomgʻir yogʻishi, momaqaldiroq boʻlishi mumkin. Oʻzbekistonning qolgan hududlarida yogʻingarchilik kutilmaydi.
Havo harorati kechasi 7-12° iliq, kunduzi 20-25° iliq atrofida boʻladi.
Haftaning ikkinchi yarmida respublikaning barcha hududlarida havo kechasi havo harorati 9-14° iliq, kunduz kuni 22-27° iliq boʻladi. Asosan yogʻingarchiliksiz ob-havo boʻlishi kutilmoqda.
Ushbu kunlarda Toshkent va Namangan viloyatlarining togʻli hududlarida 2000 m dan yuqorida qor koʻchishi xavfi bor.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala