Jamiyat

BP marhum turkolog olim Kubatinga tergov vaqtida jismoniy tazyiq oʻtkazilganini rad etdi

© Facebook / Andrey KubatinUchenыy-vostokoved Andrey Kubatin
Uchenыy-vostokoved Andrey Kubatin  - Sputnik Oʻzbekiston, 1920, 13.04.2021
Bosh prokuratura bayonotida aytilishicha, "hibsxonaga joylashtirish va chiqib ketayotgan vaqtida Andrey Kubatinning badanida jismoniy jarohatlar kuzatilmagan, u sogʻligʻi boʻyicha shikoyat qilmagan va uning sogʻligʻi, ruhiy holati mutaxassislar tomonidan ijobiy baholangan".
TOSHKENT, 13 apr – Sputnik. Bosh prokuratura marhum turkolog olim Andrey Kubatinga nisbatan DXX xodimlari tomonidan jismoniy yoki ruhiy tazyiq oʻtkazilmagan deb topdi.
Bu haqda Bosh prokuratura eʼlon qilgan bayonotda maʼlum qilingan.
SIZO - Sputnik Oʻzbekiston, 1920, 26.09.2019
Davlatga xiyonatda ayblangan Kubatin oqlandi
Ilgariroq marhumning opasi Klara Saxarova Oʻzbekiston prezidentiga shikoyat yoʻllab, unda 2017 yil 25 martida Davlat xavfsizlik xizmati tomonidan ukasi Andrey Kubatinga nisbatan Jinoyat kodeksining 157-moddasi (davlatga xoinlik qilish) bilan jinoyat ishi qoʻzgʻatilib, dastlabki tergov davomida Kubatinga DXX xodimlari tomonidan ruhiy va jismoniy tazyiq oʻtkazilishi natijasida u oʻzi sodir qilmagan jinoyatiga iqror boʻlganini qayd etgan.
Kubatin 2017 yil 1 dekabrida Respublika Harbiy sudi hukmiga asosan JKning 157-moddasi 1 kismida nazarda tutilgan jinoyatni sodir etganlikda aybli deb topilib, 11 yil muddatga ozodlikdan maxrum qilingan.
Saxarova oʻz shikoyatida ukasi Andrey Kubatin 2019 yil 26 sentyabrda jinoyat ishlari boʻyicha Toshkent viloyati sudi tomonidan oqlanib, ozodlikka chiqarilgani, 2020 yilda esa u koronavirusga chalinib 27 oktyabr kuni vafot etganini aytib, ukasiga nisbatan tergov jarayonida ruhiy va jismoniy tazyiq oʻtkazgan DXX xodimlari harakatlariga qonuniy baho berishni soʻragan.
Bosh prokuraturaning aniqlashicha, mazkur murojaat yuzasidan 2021 yil 9 fevral kuni DXX tergov boshqarmasi tomonidan ushbu tergov harakatlarida qatnashgan DXX xodimlari harakatlari qonuniyligini har tomonlama oʻrganib chiqish maqsadida tergovga qadar tekshiruv oʻtkazilgan.
Denejnыe kupyurы i monetы raznыx stran - Sputnik Oʻzbekiston, 1920, 16.07.2020
DXX Oʻzbekiston boʻylab bir nechta amaldorlarni "halollik vaktsinasi" bilan emladi
Ish materialaridan maʼlum boʻlishicha, Andrey Kubatin 2017 yilning 10 aprelidan 2017 yil 14 sentyabrga qadar tergov hibsxonasida saqlangan.
"Hibsxonaga joylashtirish va chiqib ketayotgan vaqtida uning badanida jismoniy jarohatlar kuzatilmagan, u sogʻligʻi boʻyicha hech qanday shikoyat bilan murojaat qilmagan va uning sogʻligʻi, ruhiy holati mutaxassislar tomonidan ijobiy baholangan", — deyiladi Bosh prokuratura xabarida.
Shuningdek, tergovga qadar tekshiruvda ushbu jinoyat ishi qonun doirasida oʻtkazilgani hamda fuqaroga huquq-tartibot idoralari xodimlari tomonidan hech qanday jismoniy yoki ruhiy tazyiq oʻtkazilmagani aniqlanib, natijasiga koʻra jinoyat ishini qoʻzgʻatishni rad qilish toʻgʻrisida qaror qabul qilingan.
Taʼkidlanishicha, marhum Andrey Kubatinga nisbatan toʻplangan tergovga qadar tekshiruv materiallari Oʻzbekiston Harbiy prokuraturasi tomonidan nazorat tartibida oʻrganilib, jinoyat ishini qoʻzgʻatishni rad qilish toʻgʻrisida qarorni bekor qilish uchun asoslar topilmagan.
Turkolog olim Andrey Kubatin 36 yoshida koronavirus kasalligidan olamdan oʻtgan edi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala