Dunyoda

Yaponiya “Fukusima-1” AESidan radioaktiv suvlarni okeanga tashlamoqchi

© REUTERS / KYODOPosledstviya zemlyatreseniya na Fukusime, Yaponiya
Posledstviya zemlyatreseniya na Fukusime, Yaponiya - Sputnik Oʻzbekiston, 1920, 13.04.2021
Dastlabki maʼlumotlarga koʻra, ushbu operatsiya 2023 yilda amalga oshirilishi rejalashtirilgan.
TOSHKENT, 13 apr – Sputnik. Yaponiya hukumati avariya holatidagi Fukusima-1 atom elektr stantsiyasidagi suvlarni okeanga tashlashga qaror qildi. Tegishli maʼlumotlar “Kiodo” agentligi tomonidan tarqatilgan.
Dastlabki maʼlumotlarga koʻra, operatsiyani oʻtkazish 2023 yilga rejalashtirilgan.
Yadroviy reaktorlarni sovutish uchun foydalaniladigan suv ayni vaqtda AES hududidagi rezervuarlarda saqlanmoqda. Utilizatsiyadan oldin suv radioaktiv elementlardan, jumladan tritiydan tozalanadi.
 - Sputnik Oʻzbekiston, 1920, 13.03.2021
Video
"Fukusima-1" AESida avariya yuz bergan kun: 10 yil oʻtib Yaponiya qanday yashamoqda? — video
Rezervuarlarda suyuqliklar toʻplanishi jadalligi barcha mavjud idishlar 2022 yil oxiriga borib toʻlishini koʻrsatmoqda.

AQSH munosabati

Amerika Yaponiya Fukusimadagi suvlarni tashlash qarori toʻgʻriligini tasdiqlashini kutmoqda, deb bayonot berdi Davlat departamenti vakili Ned Prays.
“Noyob va murakkab vaziyatda Yaponiya turli variantlar va oqibatlarni oʻrganib chiqdi, qabul qilingan qarorga nisbatan shaffoflikni saqlab qoldi va uning ushbu muammoga yondashuvi xalqaro miqyosda qabul qilingan yadro xavfsizligi standartlariga mos keladigan koʻrinadi. Yaponiya hukumati ushbu yondashuv samaradorliligini kuzatib borar ekan, mamlakat hukumati bilan keyingi muloqotlarimiz ham muvofiqlashtirilishiga umid qilamiz”, - dedi Prays.

Janubiy Koreya Yaponiyaning ushbu qarorini keskin tanqid qildi

Janubiy Koreya Yaponiya bunday qarorni qabul qilganidan afsusdaligini bildirib, avariya holatidagi “Fukusima-1”dagi suvlarni okeanga tashlash qarorini “biryoqlama”, deya baholadi.
Janubiy Koreyaning davlat siyosatini muvofiqlashtirish boʻyicha boshqarma rahbari Ku Yun Chxolning maʼlum qilishicha, mamlakat kun davomida Yaponiyani ushbu masalada qanday pozitsiyaga egaligi haqida xabardor etishni rejalashtirmoqda.
Janubiy Koreya shuningdek, MAGATE (Atom energetikasi boʻyicha xalqaro agentlik)ka tashqishdaligini bildirib, suvlarni tashlash jarayoni boʻyicha maʼlumotlarni ochiqlash hamda surishtiruv oʻtkazishni talab qilmoqchi.

Xitoy daʼvati

Xitoy Yaponiyani avariya holatidagi “Fukusima-1” AESidagi suvlarni utilizatsiya qilish masalasini qayta koʻrib chiqishga chaqirdi.
Xitoy TIV eʼlon qilgan rasmiy bayonotga koʻra, Yaponiya masʼuliyatni namoyon etishi va koʻptomonlama maslahatlashuvlarsiz hamda barcha manfaatdor davlatlar hamda MAGATE bilan kelishuvga erishmasdan turib okenaga suvlarni tashlamasligi lozim.
Okean – bu insoniyatning umumiy boyligi, avariya holatidagi “Fukusima-1”dan suvlarni tashlash masalasi esa – bu faqatgina Yaponiyaning ichki muammosi emas, deya taʼkidlanadi idora bayonotida.

Goʻshti qizil baliqlar uchun xatar

Yaponiyadagi avariya holatidagi “Fukusima-1” AESidan suvlarni tashlash ehtimoliy radioaktiv zaharlanishni Tinch okeanining shimoliy qismi markazi - tinch okeani lososi (qizil koʻshtli baliq) vazn olayotgan qismiga olib chiqishi mumkin, deydi RIA Novostiga bergan intervyusida “Saxalin ekologik vaxtasi” jamoatchilik tashkiloti rahbari Dmitriy Lisitsin.
"Fukusima" Xonsyu orolining Tinch okeani qirgʻogʻida joylashgan. Radioaktiv ifloslanish Xonsyu qirgʻoqlaridagi Tinch okeaniga tushganida, u Kurosio oqimi bilan shiddat ila va bir maromda shimoliy-sharqiy yoʻnalish olib, keyinchalik Shimoliy-Tinch okeani boʻylab tarqaladi.
Barcha zararli moddalar bevosita Tinch okeanining shimoliy qismiga olib chiqiladi.
Buning Rossiyaga xatari nimada? Tinch okeanining shimoliy qismida vazn olib va soʻngra rossiyaliklar dasturxoniga kelib tushadigan turdagi baliqlar “Fukusima” tomonidan maʼlum zararlarni olishadi, suvlarning tashlanishi bilan esa bu zararlar miqdori yanada ortadi. Birinchi navbatda bu tinch okeani lososiga tegishli”, - deydi Lisitsin.

"Fukusima-1"dagi avariya

“Fekusima-1” AESidagi avariya 2011 yilning martida roʻy bergan. Oʻshanda tsunami zarbasi natijasida stantsiyada sovutish va energotaʼminot tizimlari ishdan chiqqan edi. Uchta reaktorda yadroviy yoqilgʻi erib, bu reaktorlarning himoya korpuslarini yondirib yuborgandi. Buni oqibatida vodorod portlashi roʻy berdi va radioaktiv moddalar havoda tarqaldi, oqibatda stantsiyaga yaqin hududlar zaharlanishi yuz berdi.
Shuningdek, alohida radioaktiv dogʻlar Yaponiyaning boshqa joylarida ham aniqlangan edi.
Dastlabki baholarga koʻra, avariya oqibatlarini bartaraf etishga 40 yil kerak boʻladi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala