Migratsiya

Rossiyada noqonuniy boʻlib turgan oʻzbekistonliklarga murojaat qilindi

© Sputnik / Kirill Kallinikov / Fotobankka oʻtishInostrannыe grajdane poluchayut trudovoy patent v Yedinom migratsionnom tsentre Moskovskoy oblasti.
Inostrannыe grajdane poluchayut trudovoy patent v Yedinom migratsionnom tsentre Moskovskoy oblasti. - Sputnik Oʻzbekiston, 1920, 18.04.2021
Rossiyada noqonuniy ishlayotgan Oʻzbekiston fuqarolariga 15 iyunga qadar oʻz maqomlarini qonuniylashtirish tavsiya qilindi.
TOSHKENT, 18 apr — Sputnik. Tashqi mehnat migratsiyasi agentligi Rossiyadagi Oʻzbekiston fuqarolarini 15 iyunga qadar oʻz maqomlarini qonuniylashtirishga chaqirdi.
Maʼlum qilinishicha, Rossiya IIV bilan u yerda huquqiy maqomi qonuniylashtirilishi kerak boʻlgan 300 ming nafardan ortiq Oʻzbekiston fuqarolarining roʻyxati shakllantirilgan.
“Shu fursatdan foydalanib, Rossiya hududida noqonuniy ravishda boʻlib turgan Oʻzbekiston fuqarolari 2021 yilning 15 iyuniga qadar yashash joyidagi tegishli Rossiyaning ichki ishlar organlariga murojaat qilish orqali u yerda boʻlishlarini qonuniylashtirish huquqidan foydalanishga chaqiramiz”, - deyilgan xabarda.
Bunda Rossiyaning ichki ishlar organlari tomonidan noqonuniy ravishda boʻlib turgan Oʻzbekiston fuqarolariga nisbatan mamlakatdan maʼmuriy chiqarib yuborish, deportatsiya qilish choralari qoʻllanilmaydi. Ularga yashash joyidagi migratsiya boʻlimidan qayta roʻyxatdan oʻtish imkoniyati beriladi.
Bu masalada yordam soʻrab, Oʻzbekistonning Moskva shahridagi elchixonasi va Rossiya mintaqalaridagi Bosh konsulxonalariga hamda Tashqi mehnat migratsiyasi agentligining qoʻyidagi telefon raqamlari orqali murojaat qilish mumkin.
© Tashqi mehnat migratsiyasi agentligi Diplomatik vakolatxonalar va ularning telefon raqamlari
Diplomatik vakolatxonalar va ularning telefon raqamlari - Sputnik Oʻzbekiston, 1920, 18.04.2021
Diplomatik vakolatxonalar va ularning telefon raqamlari
Eslatib oʻtamiz, Vladimir Putin farmoni bilan Rossiya hududida noqonuniy boʻlib turgan xorijiy davlat fuqarolariga 2021 yil 15 iyunga qadar oʻz maqomlarini qonuniylashtirishga ruxsat berilgan.
Kuni kecha Rossiya IIV mamlakatdagi Oʻzbekiston hamda boshqa MDH davlatlaridan boʻlgan noqonuniy migrantlar 15 iyunga qadar mamlakatni tark etishi kerakligini taʼkidlagan edi. Aks holda ularga nisbatan jazo qoʻllaniladi, yaʼni migrantlar chiqarib yuboriladi va ular uzoq muddat Rossiyaga kirish huquqidan mahrum qilinadi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala