Migratsiya

Rossiya IIV mamlakatdagi noqonuniy migrantlarga murojaat qildi

© Sputnik / Maksim Blinov / Fotobankka oʻtishPosetiteli v mnogofunktsionalnom migratsionnom tsentre
Posetiteli v mnogofunktsionalnom migratsionnom tsentre - Sputnik Oʻzbekiston, 1920, 22.04.2021
Maʼlum qilinishicha, migrantlarning hujjatlari rasmiylashtirib beriladi va hech qanday chora qoʻllanilmaydi.
TOSHKENT, 22 apr — Sputnik. Rossiya Ichki ishlar vazirligi mamlakatdagi noqonuniy migrantlarga murojaat qildi.
Taʼkidlanishicha, Rossiya iqtisodiyotining ayrim tarmoqlarida mehnat resurslari yetishmasligini inobatga olib, Rossiyada qolgan chet el fuqarolarini qurilish, uy-joy kommunal va qishloq xoʻjaligi sohalariga qonuniy ishga jalb qilish yoki ularning oʻz vatanlariga qaytish imkoniyatlari taʼminlanmoqda.
Vazirlik Rossiya hududida boʻlish uchun hech qanday qonuniy asosga ega boʻlmagan shaxslarga IIVning ular boʻlib turgan joylardagi hududiy organlariga murojaat qilish tavsiya etgan.
Migrantы - Sputnik Oʻzbekiston, 1920, 21.04.2021
Migratsiya
Deportatsiya yoki afv: oʻzbekistonlik migrantlarni 15 iyundan keyin nimalar kutyapti
Prezident Vladimir Putinning farmoniga muvofiq migratsiya qonunchiligida belgilangan yashash tartibini buzgan holda mamlakat hududida boʻlib turgan shaxslarga, bunday holatda nazarda tutilgan sanktsiyalarni qoʻllamasdan, oʻzlarining huquqiy maqomlarini tartibga solish imkoniyati berilgan.
“Ushbu fuqarolar va ularning oila aʼzolariga nisbatan vaqtincha yashash muddatini uzaytirish, yashash joyida roʻyxatdan oʻtish toʻgʻrisida qaror qabul qilinadi va tegishli ruxsatnomalar rasmiylashtiriladi”, - deyilgan xabarda.
Avvalroq Rossiya IIV Migratsiya masalalari boʻyicha bosh boshqarmasi boshligʻi Valentina Kazakova mamlakatda qolish va ishlashni davom ettirish istagidagi chet el fuqarolari migratsiya roʻyxatidan oʻtishi zarurligini taʼkidlagan edi va ularni soyadan chiqishga chorlagan edi.
Oʻz navbatida, Oʻzbekiston Tashqi mehnat migratsiyasi agentligi Rossiyadagi fuqarolarni 15 iyunga qadar oʻz maqomlarini qonuniylashtirishga chaqirgan edi.
Rossiya IIV maʼlumotlariga koʻra, Oʻzbekiston mamlakatdagi noqonuniy migrantlar soni boʻyicha birinchi oʻrinda. Bugungi kunda Rossiyada 332 mingdan ziyod oʻzbekistonlik noqonuniy ishlab kelmoqda. Ular yuqoridagi imkoniyatdan foydalanishlari va oʻz maqomlarini qonuniylashtirishlari mumkin.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala