Esnash xavfli xastaliklar alomatimi?

Zevota - Sputnik O‘zbekiston, 1920, 26.04.2021
Obuna bo‘lish
Tez-tez va asossiz esnash xavfli kasalliklarning alomati bo‘lishi mumkin.
TOShKENT, 26 apr — Sputnik. Ko‘pgina insonlar esnashni mutlaqo zararsiz va hatto foydali refleks deb hisoblaydi. Aslida tez-tez va asossiz esnash xavfli kasalliklarning alomati bo‘lishi mumkin. Tibbiyot fanlari doktori Baxtiyor G‘ofurov esnashga oid qator dolzarb savollarga javob berdi.
Shifokorning so‘zlariga ko‘ra, bu odatning insonga foydali jihatlari juda ko‘p: u orqali mushaklar bo‘shashib, miya va tananing boshqa a’zolari kislorod bilan to‘yinadi, organizmdagi jismoniy charchoq va ruhiy yuk yengillashadi, eng asosiysi, esnash miyani “sovutish”ga yordam beradi.
Esnash paytida eng ko‘p jag‘ mushaklari zo‘riqib, ular to‘g‘ridan-to‘g‘ri insonning ko‘rishiga ta’sir qiladi. Olimlarning aytishicha, uyqusida tishini g‘ijirlatadiganlarga esnash foydali ekan. Ko‘pchilik esnashni tezroq uxlashga ko‘maklashadi, deb o‘ylaydi. Bu noto‘g‘ri, aksincha, u uyquni qochirib, tanani tetiklashtiradi.
Ta’kidlanishicha, odatda inson bir kunda 7-15 martagacha esnashi meyor hisoblanadi. Biroq undan ortiq esnash, avvalo, surunkali charchash sindromi hisoblanib, bu holatni kunlik 7-8 soatlik uyqu bilan yengib bo‘lmaydi.
“Boisi bu sindrom uzoq davom etgan og‘ir ish jarayoni, to‘yib uxlamaslik, noto‘g‘ri ovqatlanish, sport va jismoniy mehnat bilan muntazam shug‘ullanmaslik oqibatida rivojlanadi. Mutaxassislar tomonidan bunday esnash qonda kortizol (stress) gormonining miqdori orttishi bilan tushuntiriladi”, - dedi G‘ofurov.
Shuningdek, inson surunkali charchaganda ko‘krakda og‘riq, nafas olish va yurak urishining tezlashishi, bosh og‘rig‘i va hatto hushdan ketish holatlari ham kuzatiladi.
Pojiloy turist - Sputnik O‘zbekiston, 1920, 19.04.2021
Inson uch bosqichda qariydi - olimlar tadqiqoti
Mutaxassis tez-tez va betartib esnash depressiya xastaligining alomati bo‘lishi mumkinligini ta’kidladi. Chunki depressiya paytida insonda kortizol gormonining ortib ketishi kuzatiladi va bunda bemor ko‘p esnaydi.
Qolaversa, antidepressantlar ichish va buning natijasida serotonin gormoni miqdorining ortishi hisobiga ham bunday holat kuzatilishi mumkin. Depressiya vaqtida bemor umidsiz va xomush kayfiyat ta’siridan chiqib keta olmaydi hamda atrof-muhitga qiziqishi yo‘qolib, bosh og‘rig‘i va ixtiyorsiz agressiya kuchayadi. Shu bois bunday vaziyatlarda shifokorga murojaat qilish tavsiya qilinadi.
Yangiliklar lentasi
0