Jamiyat

Koʻp xonadonli uylarni boshqarish shirkatlarining 30% yaxshi ishlaydi xolos – prezident

Shavkat Mirziyoyev - Sputnik Oʻzbekiston, 1920, 27.04.2021
Koʻp xonadonli uylar muammolari oʻrganib chiqilib, ularni hal qilish uchun taʼmirlash jamgʻarmalari, har bir uyning alohida xisob raqami hamda uy quruvchi tashkilot javobgarligi belgilanadi.
TOSHKENT, 27 apr – Sputnik. Oʻzbekiston prezidenti Shavkat Mirziyoyev koʻp kvartirali uylarni boshqarish tizimiga oid taqdimot bilan tanishdi.
Unda aytilishiga koʻra, bugungi kunda Oʻzbekistonda koʻp xonadonli uylarni boshqarish shirkatlari jami soni 4 ming 430 ta boʻlib, shundan atigi 1 ming 350 tasi yoki 30 % yaxshi ishlaydi, xolos, qolgani oʻrta va ogʻir sharoitda.
Asosiy muammolar quyidagilar:
tariflarning norentabelligi;
hisob-kitoblarning shaffof emasligi;
muhandislik-kommunikatsiya tarmoqlarining eskirgani;
koʻp shirkatlar, kadrlar yetishmasligi tufayli, oʻz vazifasini bajarmaydi.
Oqibatda xonadon egalarining shirkat va boshqaruv kompaniyalariga ishonchi yoʻqolgan. Badallarning toʻliq yigʻilmasligi tufayli debitorlik qarzdorligi oshib ketgan.
Ushbu va boshqa muammolar chet ellik mutaxassislar yordamida oʻrganilib quyidagi takliflar ishlab chiqilgan.
1.
Uy-joy kommunal xizmat koʻrsatish vazirligining hududiy boshqarmalari huzurida Koʻp kvartirali turar joy fondini taʼmirlash jamgʻarmasini tashkil etish, uni 35 % respublika byudjeti, 35 % - mahalliy byudjet va qolgan 30 % - mulkdorlar toʻlovidan jamgʻariladigan mablagʻlar hisobidan shakllantirish rejalashtirilgan.
2.
Hisob-kitoblarning shaffofligini taʼminlash maqsadida boshqaruv tashkilotlari va shirkatlarning elektron reyestrini yuritish, har bir koʻp qavatli uyga alohida shaxsiy hisob raqam ochish, uyning xizmat koʻrsatish hududini aniq belgilash, mulkdorlarga hisobot berish tartibini takomillashtirish, hisob-kitoblarga billing tizimini joriy qilish moʻljallangan.
3.
Yangi koʻp qavatli uylar foydalanishga topshirilganidan keyin ikki yil mobaynida quruvchi tashkilot boshqaruvida boʻlishini belgilash, turar joylarni saqlash va undan texnik foydalanish qoidalarini ishlab chiqish ham talab etilmoqda. Boshqaruv kompaniyalari va shirkatlar xodimlarini oʻqitish tizimini tubdan takomillashtirish ham nazarda tutilmoqda.
Xabarda aytilishiga koʻra, bugungi kunda Oʻzbekistonda 37 ming 402 ta koʻp qavatli uy, ularda 1 million 300 mingdan ortiq xonadon bor. Bu uylarning 68 %ga shirkatlar, 24 %ga boshqaruv kompaniyalari xizmat koʻrsatadi, 8 % uylar esa mulkdorlar tomonidan umuman boshqarilmaydi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala