Jamiyat

Otabekov: hozirda COVID-19 ga qarshi emlash faqat davlat muassasalarida amalga oshirilmoqda

© Sputnik / Dilshoda RaxmatovaZamnachalnika Slujbы sanitarno-epidemiologicheskogo blagopoluchiya i obщestvennogo zdorovya (SES) Uzbekistana Nurmat Otabekov.
Zamnachalnika Slujbы sanitarno-epidemiologicheskogo blagopoluchiya i obщestvennogo zdorovya (SES) Uzbekistana Nurmat Otabekov. - Sputnik Oʻzbekiston, 1920, 28.04.2021
Nurmat Otabekov xususiy muassasalar ham oʻzlari koronavirusga qarshi vaktsinani olib kelib, emlash jarayonlarini amalga oshirishlari mumkinligini maʼlum qildi.
TOSHKENT, 28 apr — Sputnik. Ijtimoiy tarmoqlarda koronavirusga qarshi vaktsina xususiy sektor tomonidan pulli qilinayotgani haqida xabarlar tarqaldi. Ushbu holat yuzasidan Sanitariya-epidemiologik osoyishtalik va jamoat salomatligi xizmati rahbari oʻrinbosari Nurmat Otabekov maʼlumot berdi.
Uning taʼkidlashicha, xususiy immunoprofilaktika muassasalar (emlash markazlari) tomonidan koronavirusga qarshi emlash jarayonlariga ruxsat berilgan. Shu bilan birga, hozirgi kunda koronavirusga qarshi vaktsinalar faqat davlat buyurtmasi asosida olib kelinmoqda va ushbu vaktsinalar bilan aholining xavf osti guruhiga kiruvchi qatlamlari emlanmoqda.
“Xususiy immunaprofilaktik muassasalar ham oʻzlari koronavirusga qarshi vaktsinani olib kelib, emlash jarayonlarini amalga oshirishlari mumkin. Ammo hozircha biror bir xususiy vaktsinatsiya markazida bunday amaliyotlar oʻtkazilmayapti”, — dedi Otabekov.
U keyinchalik mamlakatga olib kelinayotgan vaktsinalarga davlat buyurtmasi shakllantirilayotgan chogʻda xususiy sektor ehtiyoji ham eʼtiborga olinishini qayd etdi.
“Xususiy sektor ehtiyoji ham eʼtiborga olinsa, uni yurtimizga yetkazib berish bilan shugʻullanadigan tashkilot, shu jumladan, „Dori-darmon“ AK tomonidan ham xususiy sektorga yoʻnaltirilishi mumkin”, — deya qoʻshimcha qildi Otabekov.
23 aprelya v Uzbekistan bыla dostavlena pervaya partiya vaktsinы Sputnik V - Sputnik Oʻzbekiston, 1920, 27.04.2021
Jamiyat
"Sputnik V" bilan emlash bepul boʻladi - Sanepidxizmat
Avvalroq sogʻliqni saqlash vaziri oʻrinbosari Bahodir Yusupaliyev xususiy sektor koronavirusga qarshi vaktsinani mamlakatga olib kelishi mumkinligini maʼlum qilgan edi.
Oʻzbekistonda aholini 1 apreldan koronavirusga qarshi ZF-UZ-VAC2001 va AstraZeneca vaktsinalari bilan emlash jarayoni boshlangan. Kuni kecha mamlakatga “Sputnik V” vaktsinasi ham olib kelindi. 28 apreldan Toshkentda 65 yoshdan oshgan aholi “Sputnik V” vaktsinasi bilan emlash boshlanadi. 27 aprel holatiga koʻra, butun mamlakat boʻylab 600 mingdan ziyod fuqaro emlangan.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala