Tokiodagi o‘zbekistonlik sportchilar “Sputnik V” vaksinasi bilan emlanishdi

© Sputnik / Ramil Sitdikov / Mediabankka o‘tishNoviy punkt vaksinatsii ot COVID-19 v TS "Troyka"
Noviy punkt vaksinatsii ot COVID-19  v TS Troyka - Sputnik O‘zbekiston, 1920, 08.05.2021
Obuna bo‘lish
Reja bo‘yicha delegatsiya a’zolarini emlash 1-iyunga qadar davom etadi va bu jarayonni boks bo‘yicha terma jamoa vakillari yakunlab berishadi. Umumiy hisobda 250 nafar vakilni emlash ko‘zda tutilgan.
TOShKENT, 8-may – Sputnik. Tokio-2020 Olimpiya va Paralimpiya o‘yinlarida ishtirok etadigan O‘zbekiston delegatsiyasi vakillarini koronavirusga qarshi emlash jarayoni boshlandi.
Tadbirni para-suzish bo‘yicha terma jamoamiz vakillari boshlab berishdi.
Emlash jarayonida “Sputnik V” vaksinasidan foydalanilmoqda. Yo‘riqnomga ko‘ra, vaksina 21 kun oralig‘ida 2 komponentda qabul qilinadi.
Yana to‘rt nafar o‘zbekistonlik kurashchi Tokio Olimpiadasiga yo‘llanmani qo‘lga kiritdi
Jarayon MOQ qoshidagi Respublika sport tibbiyoti ilmiy-amaliy markazida bo‘lib o‘tdi. Unda MOQ raisi Rustam Shoabdurahmonov va uning o‘rinbosari Ravshan Irmatov, O‘zbekiston Milliy Paralimpiya assotsiatsiyasi raisi Muxtorxon Toshxo‘jayev, RSTIAM rahbariyati, para-suzish bo‘yicha terma jamoamiz vakillari va OAV xodimlari ishtirok etishdi.
Dastavval terma jamoaning 11 nafar vakilidan qon tahlillari olinib, ularning organizmi emlash uchun qay darajada tayyorligi ko‘zdan kechirildi. Tahliliy natijalar yakuniga ko‘ra, 3 nafar sportchi va 2 murabbiyda emlash jarayoni amalga oshirildi. Bu borada murabbiy Ravshan Alimov delegatsiya a’zolari orasida vaksina qabul qilgan ilk inson bo‘ldi.
Reja bo‘yicha delegatsiya a’zolarini emlash 1-iyunga qadar davom etadi va bu jarayonni boks bo‘yicha terma jamoa vakillari yakunlab berishadi. Umumiy hisobda 250 nafar vakilni emlash ko‘zda tutilgan.
Shundan so‘ng MOQ rahbariyati federatsiyalarning sport shifokorlari bilan uchrashib, emlash jarayoniga tayyorgarlik, sportchilarimizning salomatligiga yanada katta e’tibor qaratish bo‘yicha suhbatlashishdi.
Yangiliklar lentasi
0