Iqtisod

Birinchi sentyabrga qadar tunu kun ishlaydigan savdo-koʻngilochar koʻchalar paydo boʻladi

© Sputnik / Maksim Blinov / Fotobankka oʻtishTTS "Aviapark" posle karantina
TTS Aviapark posle karantina - Sputnik Oʻzbekiston, 1920, 12.05.2021
Savdo va koʻngilochar koʻchalarda barcha tadbirkorlik subʼyektlariga 24 soat mobaynida tunu kun faoliyat yuritish huquqi beriladi.
TOSHKENT, 12may — Sputnik. 2021 yil 1 sentyabrga qadar Oʻzbekistonning yirik shaharlari, viloyat va tuman markazlarida savdo va koʻngilochar koʻchalar tashkil etiladi. Bu haqda prezident Shavkat Mirziyoyev imzolagan “Xizmatlar sohasini jadal rivojlantirish chora-tadbirlari toʻgʻrisida”gi qarorida aytilgan.
Hujjatda yozilishicha, savdo va koʻngilochar koʻchalarda barcha tadbirkorlik subʼyektlari jamoat xavfsizligi qoidalariga qatʼiy rioya qilgan holda 24 soat mobaynida tunu kun faoliyat yuritish huquqiga ega boʻladi.
“Turizm va sport vazirligi bilan birgalikda 2021 yil 1 sentyabrga qadar yirik shaharlarda, viloyat va tuman markazlarida tashabbuskor tadbirkorlik subʼyektlari bilan hamkorlikda savdo va koʻngilochar koʻchalar tashkil etilishini taʼminlasin”, - deyilgan hujjatda.
Koʻchma savdo obʼyektlari uchun joylar tadbirkorlik subʼyektlariga elektron onlayn-auktsion asosida sotiladi.
Shuningdek, 2021—2023 yillar davomida tuman (shahar)larda 15 ta dehqon bozori va 115 ta savdo komplekslari barpo etiladi. Yangi tashkil etiladigan dehqon bozorlari va savdo komplekslari ustav kapitalida mahalliy davlat hokimiyati organlarining majburiy ishtiroki bekor qilinadi.
Bundan tashqari, 10 ta yoʻl-patrul xizmati va bojxona postidagi yerlar yengil turdagi savdo va xizmat koʻrsatish subʼyektlarini joylashtirish uchun tadbirkorlarga 3 yilga ijaraga beriladi. Bu nuqtalar asosan haydovchilarga xizmat koʻrsatadi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala