Iqtisod

Oʻzbekiston va Tojikiston prezidentlar uchrashuviga tayyorlanmoqda

© MIVTSarvar Umurzakov i ministr torgovli Tadjikistana Zavkizoda Zavki Amin
Sarvar Umurzakov i ministr torgovli Tadjikistana Zavkizoda Zavki Amin - Sputnik Oʻzbekiston, 1920, 15.05.2021
Tojikiston va Oʻzbekiston savdo vazirlari Shavkat Mirziyoyevning iyun oyida qoʻshni respublikaga boʻladigan tashrifi kun tartibini tayyorlash boʻyicha ishlarni faollashtirishga kelishib oldilar.
TOSHKENT, 15 may – Sputnik. Tojikiston hukumati delegatsiyasining Oʻzbekistonga tashrifi doirasida investitsiyalar va tashqi savdo vaziri S.Umurzakov Tojikiston iqtisodiy rivojlanish va savdo vaziri Zavqizoda Zavqi Aminni qabul qildi.
Uchrashuvda ikki davlat vakillari oʻzaro savdoning barqaror oʻsib kelayotganini taʼkidlashdi va oʻtgan 4 yil mobaynida bu koʻrsatkich 4 barobardan ziyod oshgani qayd etildi.
Shu bilan birga mavjud texnik toʻsiqlarni bartaraf etish, savdo tartiblarini soddalashtirish va oʻzbek va tojik ishlab chiqaruvchilari uchun yanada qulay shart-sharoitlar yaratish hamda yaqin yillarda oʻzaro savdo hajmini 1 mlrd dollarga yetkazish boʻyicha amaliy hamkorlik toʻgʻrisida kelishuvga erishildi.
Emomali Raxmon vstretil Shavkata Mirziyoyeva v aeroportu Dushanbe - Sputnik Oʻzbekiston, 1920, 22.04.2021
Siyosat
Shavkat Mirziyoyev iyun oyida Tojikistonga safar qiladi
Muloqot chogʻida Toshkent shahrida Oʻzbekiston Respublikasi va Tojikiston Respublikasi oʻrtasidagi savdo-iqtisodiy hamkorlik boʻyicha Hukumatlararo komissiyasining 8-yigʻilishini oʻtkazishga tayyorgarlik koʻrish masalalari ham muhokama qilindi.
Undan tashqari tomonlar Oʻzbekiston Respublikasi prezidentining iyun oyida Tojikistonga boʻladigan tashrifining kun tartibini tayyorlash boʻyicha ishlarni davom ettirish va faollashtirishga kelishib oldilar.
Muzokaralar yakunida belgilangan vazifalar ijrosini jadallashtirish va qoʻshma tashabbuslarni ilgari surish maqsadida ikki mamlakatning tegishli vazirlik va idoralari oʻrtasida ikki tomonlama aloqalarni faollashtirishga kelishildi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala