Iqtisod

Samarqand va Jizzaxda quyosh elektr stantsiyalarini quradigan kompaniya aniqlandi

© Sputnik / Aleksandr Kryajev / Fotobankka oʻtishMaster osmatrivayet solnechnыe batarei
Master osmatrivayet solnechnыe batarei - Sputnik Oʻzbekiston, 1920, 20.05.2021
Samarqand va Jizzax viloyatlarida har biri 220 MVt quvvatga ega boʻlgan ikkita quyosh elektr stantsiyalarini qurish boʻyicha xalqaro tender natijalari eʼlon qilindi.
TOSHKENT, 20 may — Sputnik. 20 may kuni Samarqand va Jizzax viloyatlarida har birining quvvati 180-220 MVt boʻlgan quyosh fotoelektr (quyosh) stantsiyalarini qurish loyihalari boʻyicha tender gʻoliblari aniqlandi. Bu haqda Investitsiyalar va tashqi savdo vazirligi matbuot xizmati xabar qildi.
"Abu Dhabi Future Energy company PJSC (Masdar)" (BAA) ishlab chiqariladigan 1 kVt/s elektr energiya uchun 1,823 AQSH tsentga teng boʻlgan tarifi bilan Jizzax viloyati Gʻallaorol tumanida quyosh elektr stantsiyasini qurish boʻyicha xalqaro tender gʻolibi deb eʼlon qilindi.
"Jinko Power Technology Co. Ltd.", "China Power International Holding (CPIH) Ltd." va "Jinko Power (HK) Co. Ltd." konsortsiumi ishlab chiqariladigan 1 kVt/s elektr energiya uchun 2,305 AQSH tsentga teng boʻlgan tarifi bilan ushbu tenderning zaxira gʻolibi deb eʼlon qilindi.
Solnechnaya elektrostantsiya - Sputnik Oʻzbekiston, 1920, 11.05.2021
Iqtisod
YETTB Samarqand viloyatida 87 million yevrolik quyosh elektr stantsiyasi quradi
Samarqand viloyati Kattaqoʻrgʻon tumanida quyosh elektr stantsiyasini qurish boʻyicha xalqaro tenderda ham Abu Dhabi Future Energy company PJSC (Masdar)" kompaniyasi ishlab chiqariladigan 1 kVt/s elektr energiya uchun tarifni 1,791 AQSH tsentga baholab gʻolib deb eʼlon qilindi.
Mazkur tender boʻyicha ham "Jinko Power Technology Co. Ltd.", "China Power International Holding (CPIH) Ltd." va "Jinko Power (HK) Co. Ltd." konsortsiumi ishlab chiqariladigan 1 kVt/s elektr energiya uchun 2,228 AQSH tsentga teng boʻlgan tarifi bilan tenderning zaxira gʻolibi deb eʼlon qilindi.
Quyosh elektr stantsiyalari 2022 yilning oxirigacha ishga tushirilishi kutilmoqda. Elektr stantsiyalarining ishga tushirilishi yiliga 1,04 mlrd. kVt/s elektr energiyasini ishlab chiqarishni taʼminlaydi. Ushbu ikki loyihani amalga oshirish uchun jalb qilinadigan investitsiyalar miqdori 400 mln dollarga baholanmoqda.
Qayd etish joizki, “Masdar” kompaniyasi Oʻzbekistondagi qator loyihalarni moliyalashtirmoqda. Xususan, Navoiy viloyatidagi umumiy quvvati 100 MVt boʻlgan fotoelektr stantsiyasini, Zarafshon shahrida 500 Mvt quvvatga ega boʻlgan shamol elektr stantsiyasini qurish bilan shugʻullanmoqda.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala