Samarqand, Buxoro va Qoraqalpog‘istonda pora olmagan IIV xodimlari rag‘batlantirildi

© Sputnik / Ramiz BaxtiyarovNatsionalnaya valyuta Uzbekistana — sum
Natsionalnaya valyuta Uzbekistana — sum - Sputnik O‘zbekiston, 1920, 23.05.2021
Obuna bo‘lish
500 dollardan 5 ming dollarga taklif qilingan porani olmagan IIB xodimlari rag‘batlantirildi. Ularning ota-onalariga tashakkurnoma va qimmatbaho sovg‘alar topshirildi.
TOShKENT, 23-may — Sputnik. Samarqand, Buxoro va Qoraqalpog‘istonda pora olmagan IIV xodimlari rag‘batlantirildi.
Samarqand viloyati IIB matbuot xizmati xabariga ko‘ra, pora tariqasida taklif etilgan 2 ming dollarni olmagan Samarqand IIO Faoliyatni muvofiqlashtirish bo‘limi xodimi, kapitan U.Sarimovga 15 mln so‘m miqdorida pul mukofoti berildi. Shuningdek, xodimning ota-onasiga tashakkurnoma va qimmatbaho sovg‘alar topshirilgan. Xodimga porani cho‘ntagidan 2,16 gramm og‘irlikdagi marixuana aniqlangan fuqaro taklif qilgan.
Buxoro IIB matbuot xizmati bergan ma’lumotga ko‘ra, viloyat Ichki ishlar boshqarmasi huzuridagi Tergov boshqarmasi xodimi 10 mln so‘m pul mukofoti bilan rag‘batlantirilgan. Chunki u fuqaro taklif qilgan pora 500 dollarni olishdan bosh tortgan va bu haqda belgilangan tartibda xabar bergan.
Rabota vnevedomstvennoy oxrani moskovskoy politsii - Sputnik O‘zbekiston, 1920, 16.05.2021
Hokim o‘rinbosari, soliq inspeksiyasi inspektorlari: mansabdorlar pora bilan ushlandi
Bundan tashqari, Qoraqalpog‘iston IIV huzuridagi Tergov boshqarmasi boshlig‘i o‘rinbosari podpolkovnik A.Utemuratovga pora olishdan bosh tortgani va bu haqda xabar bergani uchun pul mukofoti berilgan. Biroq mukofot tariqasida qancha pul berilgani ochiqlanmagan. Shuningdek, uning yaqin qarindoshiga tashakkurnoma va qimmatbaho sovg‘alar topshirilgan.
Podpolkovnik Utemuratovga fuqaro unga nisbatan qo‘zg‘atilgan jinoyat ishini sudga yubormaslik evaziga 5 ming dollar pora taklif qilgan.
Eslatib o‘tamiz, avvalroq Toshkent viloyatida 1000 dollar porani olmagan kadastr xodimiga 10 mln so‘m pul va sihatgohga 2 kishilik yo‘llanma berilgan edi.
Yangiliklar lentasi
0