Siyosat

Mirziyoyev Oʻzbekiston va Rossiya IIV oʻrtasida axborot almashish toʻgʻrisidagi bitimni tasdiqladi

© Sputnik / Mixail KlimentyevFlagi Rossii i Uzbekistana
Flagi Rossii i Uzbekistana - Sputnik Oʻzbekiston, 1920, 25.05.2021
Bitim 2020 yil 15 dekabrda Toshkent va Moskva shaharlarida imzolangan.
TOSHKENT, 25 may — Sputnik. Oʻzbekiston prezidenti Shavkat Mirziyoyev Rossiya bilan ikki mamlakat IIVlari oʻrtasida elektron shaklda oʻzaro axborot almashish toʻgʻrisidagi bitimni tasdiqladi.

“Oʻzbekiston Respublikasi Hukumati bilan Rossiya Federatsiyasi Hukumati oʻrtasida ichki ishlar organlarining vakolatiga kiradigan masalalar boʻyicha axborot hamkorligi va elektron shaklda oʻzaro axborot almashish toʻgʻrisidagi bitim tasdiqlansin”, - deyilgan hujjat matnida.

Bitim 2020 yil 15 dekabrda Toshkent va Moskva shaharlarida imzolangan.
Tomonlar oʻrtasida munosabatlarda amal qiladigan xalqaro shartnomalar doirasida elektron shaklda oʻzaro axborot hamkorligini tashkil etish uning predmeti hisoblanadi. Ularni amalga oshirish uchun vakolatli organlar etib tomonlar davlatlarining Ichki ishlar vazirliklari belgilandi. Bitim doirasida davlat sirini tashkil etadigan axborot almashilmaydi.
Tashqi ishlar vazirligiga Oʻzbekiston tomonidan mazkur xalqaro shartnoma kuchga kirishi uchun zarur boʻlgan davlat ichki tartib-taomillari bajarilganligi toʻgʻrisida Rossiya tomoniga tegishli bildirishnoma yoʻllash vazifasi topshirilgan.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala