Jamiyat

Qoraqalpogʻistonda 7 yil ilgari ellik ming soʻm uchun lavozimdan olingan ayol oqlandi

© Sputnik / Ramiz BaxtiyarovNatsionalnaya valyuta Uzbekistana — sum
Natsionalnaya valyuta Uzbekistana — sum - Sputnik Oʻzbekiston, 1920, 29.05.2021
2015 yil 13 fevraldagi sud hukmi bilan Shiyrinxan Taumuratova 2 yil mansabdorlik lavozimlarida ishlash huquqidan mahrum qilinib, unga 2 yillik shartli sinov jazosi tayinlangan edi.
TOSHKENT, 29 may - Sputnik. Qoraqalpogʻiston Respublikasi Qonlikoʻl tumanida istiqomat qiluvchi Shiyrinxan Taumuratovaga nisbatan yetti yil oldin eʼlon qilingan sud hukmi bekor qilindi, deb xabar bermoqda Sputnik Oʻzbekiston muxbiri.
Gap shundaki, bundan 7 yil avval 2014 yili Shiyrinxan Taumuratova Qoʻngʻirot tumanidagi bir kollejda direktor oʻrinbosari boʻlib ishlardi. Shu kollej rahbari bir choyxonadan 148 ming soʻm qarz boʻlib qolib, bu pulni oʻsha kunlarda ishdan boʻshatilayotgan psixologga toʻlashni buyuradi. Psixolog ayol ham ishda qolish uchun dastlab 50 ming soʻm olib kelganda, direktor pulni oʻzi olishdan qoʻrqib uni oʻrinbosarining oldiga yuboradi. Shiyrinxan Taumuratova 50 ming soʻm nima uchun ekanini soʻrab-surishtirmay olib qolib, direktorga eltib beradi.
Press-tur v Muynak - Sputnik Oʻzbekiston, 1920, 08.04.2021
Jamiyat
Moʻynoqni bir vaqtlar tashlab ketganlar bugun afsusda - Orolboʻyi hududidan reportaj
Ertasi kuni psixolog yana 100 ming soʻm olib direktor oldiga kirib berayotgan joyda direktor qoʻlga olinadi, tabiiyki, oldingi 50 ming soʻm poraning vositachisi sifatida Shiyrinxan Taumuratova ham jinoyatchilar qatoriga qoʻshilib qoladi.
2015 yil 13 fevraldagi sud hukmi bilan Shiyrinxan Taumuratova 2 yil mansabdorlik lavozimlarida ishlash huquqidan mahrum qilinib, unga 2 yillik shartli sinov jazosi tayinlanadi.
Shu kunlarda Orolboʻyida sud-huquq masalalari boʻyicha tashkil qilingan ommaviy qabullarda Shiyrinxan Taumuratova Oliy sud masʼullaridan qariyb 7 yil oldingi sud hukmini qayta koʻrib, qonuniy-adolatli hal qilib berishlarini soʻradi. Qoraqalpogʻiston Respublikasi sudining jinoyat ishlari boʻyicha sudlov hayʼati bu shikoyatni jinoyat ishi materiallari bilan birga koʻrib chiqib, Qoʻngʻirot tuman sudining 2015 yil 13 fevraldagi aylov hukmini bekor qildi. Harakatlarida jinoyat alomatlari boʻlmaganligi sababli Shiyrinxan Taumuratovani aybsiz deb topib, oqladi.
Virtualnaya priyemnaya prezidenta RUz Shavkata Mirziyoyeva - Sputnik Oʻzbekiston, 1920, 25.03.2021
Jamiyat
Buxoroda 31 kishi "moliyaviy piramida"dan jabrlanib, Xalq qabulxonasiga yordam soʻrab keldi
Uch kunlik ommaviy qabullarda Orolboʻyining barcha hududidagi murojaatchilar qamrab olindi. Har bir ariza va shikoyat hududlardagi masʼul rahbarlar va murojaatchilar ishtirokida sinchiklab koʻrib chiqildi.
Bu jarayonda Oliy sud masʼullari koʻrib chiqqan 615 ta murojaatning 118 tasi joyida hal qilib berildi.
Umumlashtirib aytganda, Orolboʻyida sud-huquq masalalari boʻyicha tashkil qilingan navbatdagi ommaviy qabullarda 970 nafardan ziyod murojaatchining mingta masalasi koʻrib chiqildi. Ularning 144 tasi joyida hal etildi, 342 ta murojaat boʻyicha huquqiy maslahat va tushuntirishlar berildi, qoʻshimcha oʻrganish talab etiladigan 514 ta masala nazoratga olindi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala