Jamiyat

"Yolgʻon koʻrsatma berishga majbur qilishdi": Andijondagi yosh kelin zoʻrlanmagani maʼlum boʻldi

© Sputnik / Vladimir PesnyaSotrudnik pravooxranitelnыx organov
Sotrudnik pravooxranitelnыx organov - Sputnik Oʻzbekiston, 1920, 29.05.2021
Jabrlanuvchi ayrim shaxslar moddiy manfaatdor boʻlish evaziga uni zoʻrlab nomusiga tekkanligi haqida ariza va koʻrsatma berishga majbur qilganligini bayon etgan
TOSHKENT, 29 may - Sputnik. Ekspertiza Andijondagi besh oylik kelin zoʻrlanmaganini koʻrsatdi, deyiladi Ichki ishlar vazirligi tomonidan tarqatilgan rasmiy bayonot matnida.
Maʼlum qilinishicha, 2021 yil 13 may kuni fuqaro O.O.ni zoʻrlanishi bilan bogʻliq holat yuzasidan Andijon tumani IIB huzuridagi Tergov boʻlimi tomonidan Oʻzbekiston Respublikasi Jinoyat kodeksining 118-moddasi 1-qismi (nomusga tegish) bilan jinoyat ishi qoʻzgʻatilib, tergov harakatlarini har tomonlama toʻla va xolisona oʻtkazilishini taʼminlash maqsadida, Andijon viloyati IIB huzuridagi Tergov boshqarmasining malakali tergovchisi ish yurituviga oʻtkazilgan va tergov guruhi tuzilgan.
Prokuratura - Sputnik Oʻzbekiston, 1920, 25.05.2021
Jamiyat
Andijon prokuraturasi yosh kelinning zoʻrlanishiga oid xabarlar yuzasidan bayonot berdi
Tergov harakatlari Ichki ishlar vazirligi tomonidan alohida nazoratga olingan.
Holat yuzasidan hodisa joyiga zudlik bilan tergov-tezkor guruhi chiqib, videotasvirga olgan holda koʻzdan kechirilgan va ishga aloqador boʻlgan barcha ashyolar, jumladan arizachi va gumondorlarga tegishli kiyim-kechaklar olingan.
Tergov harakatlari davomida jabrlanuvchi hamda gumon qilingan shaxslarning barchasi sud-tibbiy ekspertizasidan oʻtkazilib, olingan ashyolar boʻyicha sudga oid biologiya, sudga oid kriminalistika, sudga oid tolali materiallarni kriminalistik tekshirish va sudga oid fizika-texnikaviy ekspertizalari tayinlangan.
Sud tibbiy ekspertizasining xulosasiga koʻra, jabrlanuvchi O.O.ning badanida zoʻrlik alomatlari bilan bogʻliq tan jarohatlari mavjud emasligi, 13-14 haftalik homilador ekanligi va homilasi rivojlanayotganligi aniqlangan.
Sudga oid tolali materiallarni kriminalistik tekshirish ekspertizasining xulosasiga koʻra, jabrlanuvchi O.O.ning kiyimlarida gumondorlarning kiyimlariga tegishli tolalar mavjud emasligi aniqlangan.
Mujchina derjit papku v ruke - Sputnik Oʻzbekiston, 1920, 17.05.2021
Hodisalar
Andijonda zoʻrlangan 18 yoshli kelin voqeasi Senat nazoratiga olindi
Jabrlanuvchi O.O. yaqin qarindoshlari va himoyachisi ishtirokida soʻroq qilinganida, uni hech kim zoʻrlab nomusiga tegmaganligini, ayrim shaxslar (qonunchilik talablariga asosan shaxs haqidagi maʼlumotlar sir saqlanadi) moddiy manfaatdor boʻlish evaziga uni zoʻrlab nomusiga tekkanligi haqida ariza va koʻrsatma berishga majbur qilganligini, agarda ushbu koʻrsatmani bermasa turmush oʻrtogʻi bilan birga yashattirmasdan, ajratib yuborishligini aytganligi sababli, ilojsizlikdan yolgʻon koʻrsatma berganligini maʼlum qilgan.
Shuningdek, ishga aloqador boʻlgan va guvoh tariqasida soʻroq qilingan shaxslar, hodisa kuni jabrlanuvchi O.O.ga tegishli boʻlgan shiypon atrofida begona erkaklarni koʻrmaganligini hamda dala shiyponidan ayol kishining yordam soʻrab baqirgan ovozini eshitilmaganligini maʼlum qilgan.
Oʻtkazilgan tergov harakatlari davomida jabrlanuvchi O.O. maʼlum qilgan besh nafar shaxslar voqea sodir boʻlgan kuni hodisa joyida, yaʼni jabrlanuvchi O.O.ga tegishli boʻlgan dala shiyponida umuman boʻlmaganliklari aniqlangan.
Ogrableniye - Sputnik Oʻzbekiston, 1920, 04.04.2021
Hodisalar
Jizzaxda oʻgʻri 20 yil avval maktab oʻquvchisini zoʻrlagani fosh etildi
Tergov harakatlari davomida toʻplangan inkor qilib boʻlmas dalillarga asosan fuqaro O.O.ning zoʻrlanganligi toʻgʻrisidagi vajlari oʻz tasdigʻini topmaganligi sababli, jinoyat ishining gumon qilinuvchilarga tegishli qismini JPKning 83-moddasiga (jinoiy hodisa yuz bermagan yoki shaxsning qilmishida jinoyat tarkibi boʻlmasa) asosan tugatish masalasi koʻrib chiqilmoqda.
Hozirda fuqaro O.O. va boshqalarning tuhmat qilganliklari holatiga huquqiy baho berish maqsadida tergov harakatlari davom ettirilmoqda.
"Shu oʻrinda, fuqarolardan hamda blogerlardan vakolatli idoralar tomonidan tasdiqlanmagan turli asossiz xabarlarga tayanmasliklarini, tergov harakatlariga aralashmasliklarini, har bir xabar yuzasidan qonuniy qaror qabul qilinishini hamda haqiqatga toʻgʻri kelmaydigan, vahima chiqarishga qaratilgan maʼlumotlar va materiallarni har qanday shaklda tarqatish uchun jinoiy javobgarlik mavjudligini yana bir bor eslatib oʻtamiz", - deyiladi IIV bayonotida.
Kelgusida tergov harakatlari natijasi yuzasidan qoʻshimcha maʼlumot berilishi taʼminlanadi.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala