Dunyoda

Braziliyada prezident siyosatiga qarshi norozilik namoyishlari boʻlib oʻtdi

© Sputnik / Aleksey Kudenko / Fotobankka oʻtishStranы mira. Braziliya
Stranы mira. Braziliya - Sputnik Oʻzbekiston, 1920, 30.05.2021
Aholi davlat rahbari Jair Bolsonaru hukumati va uning koronavirusga qarshi kurashish siyosatiga qarshi norozilik bildirgan.
TOSHKENT, 30 may — Sputnik. 29 may kuni butun Braziliya boʻylab davlat rahbari Jair Bolsonaru hukumati va uning koronavirusga qarshi kurashish siyosatiga qarshi norozilik namoyishlari boʻlib oʻtdi, deb xabar qilmoqda G1.Globo portali.
Norozilik namoyishlar barcha 26 ta shtat va federal okrugda boʻlib oʻtgan. “The Guardian” nashrining yozishicha, ularni kamida 200 ta shahar va shaharchalarda oʻtkazishgan. Bu koronavirus infektsiyasi tarqalishi boshlangandan buyon eng yirik hukumatga qarshi namoyish boʻlgan.
Namoyishchilar hukumatni COVID-19 ga qarshi vaktsina xarid qilish, aholiga zudlik bilan yordam koʻrsatish, pandemiya vaqtidagi ijtimoiy qoʻllab-quvvatlash dasturiga qaytishga chaqirgan. Ayrim namoyishchilar Bolsonaru impichmentiga chorlovchi plakatlarni koʻtarib olgan.
“Reuters” nashrining qayd etishicha, namoyishlar aksariyat shaharlarda tinch oʻtgan. Faqat mamlakatning shimoli-sharqidagi Resifi shahrida politsiya namoyishchilarga qarshi koʻzdan yosh oqizuvchi gaz va rezina oʻq qoʻllagan.
Jair Bolsonaru pandemiya tarqalashining boshida koronavirusning xavfligini inkor qilib, u haddan ziyod boʻrttirilgan deb aytgan edi. Uzoq vaqtda mamlakatda epidemiya sabab cheklov choralarini kiritishdan bosh tortgan. Pandemiyaga qaramasdan oʻz tarafdorlari bilan uchrashuvlarda ishtirok etishni davom ettirgan. Bu tadbirlarda koʻpincha niqobsiz paydo boʻlgan. Oʻtgan yil iyul oyida siyosatchi koronavirusni boshdan kechirdi.
Soʻnggi maʼlumotlarga koʻra, Braziliyada 16,4 milliondan ziyod kishi koronavirus bilan kasallangan. Shulardan 461 nafari vafot etgan. Mamlakat dunyoda COVID-19 dan oʻlim boʻyicha AQShdan keyin ikkinchi oʻrinda.
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala